Serlui B-ah mamawh tawk tui tling lo!

Aizawl | Aug 8, 2022: Thermal Project Division, Serlui B Hydel Project, EE Pu C.C. Lalrinmawia, Bilkhawthlir chuan, Serlui B tuikhuah kam ramngawte a chereu nasat avangin tuikhuahah mamawh zat tui a tling tawh lo a, hei hian kawlphetha siamchhuah a tihtlem zel thu a sawi.
 
(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
 
 

       Bilkhawthlir a Thermal Division Executive Engineer chuan Kolasib DC hova meeting an neih hnuhnung ber tumin Serlui B tuikhuah kam vel humhalh dan tur enfiah turin August thla chhungin luidung fan nise ti a an rel thu a sawi a. Serlui  kamah mi ţhahnem takin ramngaw vat chereu in huan nghet leh lo an neih  avangin ramngaw a chereu nasat thu a sawi a, hei vang hian tunah chuan tuikhuahah tui a pung chaklo hle tih sawiin, Serlui kam vel an vah chereu vangin tuihna a kangchat nasa hle ni a a hriat thu a sawi.
     EE chuan kumin June thla a Silchar ah tuilian avanga an buai hle laiin tuikhuahah duh khawp tui tling tur pawh a awm lova, ramngaw hi humhalh ţhat ni se tuihna hi a tam phah leh a beisei thu a sawi a, tun dinhmunah chuan van ruahtui tla ringawt a ring a ni deuh ber tawh niin a sawi bawk.
    Tun dinhmunah Serlui B project-a khawl hi unit 2 tlantir mek a ni a, nitin power megawatt 6-7 an siam chhuak thei a, tui a tlem deuh changin khawl pakhatin an tlan thin a, khawl 1 a an tlan hian nitin power megawatt 3-4 an siam tlangpui thin a ni.     
      Serlui B Hydel Project hi khawl Unit 3 a tlan tura ruahman a ni a, hetihlai hian a vaia tlan tur chuan tui a tam a ngai niin Thermal Power Division EE chuan a sawi bawk.

- AIR News Aizawl


More photos HERE

Post a Comment

He post chungchanga i ngaihdan lo sawi ve rawh:

Previous Post Next Post