Aizawl | August 4, 2022: Nimin khan Law & Judicial Minister TJ Lalnuntluanga chuan Union Law & Justice Minister, Pu Kiren Rijiju chu a chenna In New Delhi-ah a hmu a, Law & Judicial Department mamawh hrang hrang leh tul dangte a thlen a ni.
Pu T.J. Lalnuntluanga chuan Champhai District Court building sak dan tur chungchangte, a Department kaihhnawiha hmachhawp hrang hrangte Union Minister hi a sawipui a. Pu Kiren Rijiju chuan Law & Judicial Minister ngenna chu a ngaih pawimawh thu lo hrilhin, State Sawrkar nen tang duna theihtawp chhuaha hmalakpui a inhuam thu a lo hrilh a ni.
Law & Judicial Minister hi Pu Thomas Lalrammawia, Dy. Secretary, Law & Judicial Department leh Pu Pee Lee Ete, Conservator of Forest (Eastern Circle) ten an tawiawm a ni.
- DIPR
Post a Comment
He post chungchanga i ngaihdan lo sawi ve rawh: