Chief Minister hovin Home Department Hotute thukhawm

Aizawl | August 4, 2022: Chief Minister Pu Zoramthanga hovin nimin khan Home Minister Pu Lalchamliana leh Home department hotute chuan department hmasawnna tur ngaihtuah ngai hrang hrangte sawiin CM Conference Hall-ah an thukhawm.


Nimin meeting-ah hian Home Department thawktu dinhmun chipchiar taka thlirhovin, indaihlohna te sawiho a ni a. Heng bakah hian hmasawnna ruhrel din hna thawh mek leh hmachhawp te, venhim hnathawh tihchakna tura hmalak belh ngai leh thu pawimawh tak tak dang sawiho a ni.

Tun hnaia Mizoram Police in hma an lo lakna zingah free medical camp buatsaih te, thingkung phun te, Drugs, Cyber crime leh Legal remedies chungchanga inhrilhriatna buatsaih te, de-addiction camp neih te, ruihhlo man leh ramsa khawi phal loh tawlhruk man te a tel a ni.
 

Nimin meeting-ah hian DGP Pu Devesh Chandra Srivastava, Finance Commissioner Pu Vanlal Chhuanga, Planning & Programme Implementation Secretary Pu Lalmalsawma Pachuau leh Home department official dangte an tel a ni.
 
 
- DIPR

Post a Comment

He post chungchanga i ngaihdan lo sawi ve rawh:

Previous Post Next Post