Aizawl | August 4, 2022: Nmin chawhnu dar 1:00 khan Chief Secretary Dr. Renu Sharma kaihhruaina hnuaiah District Administration 11-a Deputy Commissioner te nen virtual meeting pawimawh tak neih a ni a. Meeting ah hian Azadi Ka Amrit Mahotsav (AKAM) hnuaia Har Ghar Tiranga (in tina AKAM puala Hnam Puanzar pharh/tar) a hmalakna leh ruahmanna kal mek te; Mizoram chhunga Covid-19 vaccination kalpui mek dinhmun leh Jal Jeevan Mission hnuaia hma lakna te thlir ho a ni.
Meeting ah hian a chunga tarlan thil 3 chungchanga District tina hmalak tawhna leh hma lak mekte DC tin ten report pe in an harsatna te sawiho a ni a, heng harsatna chinfel dan pawh hrilhhriat an ni. India Independence kum 75-na tlin lawmna programme hrang hrang kal mek te chu a hun taka heng programme zawng zawng tihlawhtling turin DC tin te chu rang taka hma la theuh turin hriattir an ni a. Meeting chuan in tina Hnam Puan zar pharh/zar Har Ghar Tiranga hi mipuite ngaipawimawh a zawm theuh turin a ngen bawk a ni.
Chief Secretary hi Pu Navin Kumar Choudhury, IAS Principal Secretary, GAD; Principal Secretary H &FW; Secretary, Art & Culture, Secretary, PHE leh Secretary I &PR bakah Mission Director NHM ten Director Art & Culture ten an tawiawm a ni.
- DIPR
Post a Comment
He post chungchanga i ngaihdan lo sawi ve rawh: