P&E-in online payment chungchangah fimkhur turin mipui ngen

Aizawl | Aug 4, 2022: Power & Electric Department (P&E) Engineer In Chief (E-in-C) F Lalrinpuia chuan electric bill pek naa online payment chunghchangah mipuite inbumna lakah fimkhur turin a ngen.

 

Power & Electric Department chuan mipui ten office emaw counter pan kher lova electric bill online-a pek theihin a siam fel leh tawh a. BBPS agent hrang hrang GooglePay (GPay), PhonePe, PayTM, BHIM etc. hmang te hian a pek theih a ni.

Hetihrual hian mipui te bum tum a SMS hmanga thu theh darh leh Whatsapp lamah pawisa pekna tur link dil kual an awm thin tih hriat a ni a. Hetiang hi Department lam atanga tihchuah a nih ngai loh avangin mipui te hetiang kawnga fimkhur turin kan inhriattir a ni. SMS kan dawnna number te lo block zel tur leh, pawisa pek na tur link an lo thawn ah te lut lo turin leh, a thawntu number hi P&E Department a thawktu, a hnuai a number tarlan te hnenah hian a rang lama hriattir turin mipuite a  ngen.

"Online-a electic bill pek te system ah a luh leh luh loh enchhuah nan kan bank transaction detail te mamawh thin a ni a. Hei erawh hi chu a hnuaia number tarlanah te hian thawn a him a ni tih kan inhriattir." tiin P&E chuan thuchhuah a siam.

Contact No: 7832871956, 8575517333, 9436141511