Ticker

10/recent/ticker-posts

Langkaih luia tlahlum Tlangval ruang hmu ta

Aizawl | August 27, 2022: Langkaih luia tlahlum tlangval Lala ruang chu vawiin khan hmuh a ni.


Thudawnnain a tarlan danin, August ni 24 chawhma dar 9:00 vela Bungthuam tlangval Lala (28) S/o Letthanga Langkaih lui hleuh kai a tumna lama chesual ta ruang chu vawiin chhun dar 12 vel khan Bungthuam leh Luimawi inkar Koboi luiin Langkaih lui a finna, Goboi lui chhuahah hmuh a ni.

Vawiin hi Lala Langkaih luia a chetsual atanga ni 3-na a ni a, a tlak ni khan vau kam lamah a inham kai mial beiseina avangin lui lam leh vaukam khawmualte an dapin an zawng a, chin hriat a nih zui tak loh avangin tuiah hian a tlahlum ngei a nih rinna an nei zui ta a ni. Tunlai hian Langkaih lui tui a tamin a khauh hle a, ruang zawn pawh a hautakin chet vel a khirh khan hle.

Vawiin khan Langkaih lui Goboi chhuahah ruang rawn lang hi hmuh a ni. A tlakna atanga luidung km 3 velah ruang hi hmuh a ni.

- MSR
Post i hmuh dan

Post a Comment

0 Comments