Ticker

10/recent/ticker-posts

MIZBA in Boxing coach Setea insawifiah turin hriattir; MIZBA-in mi mal thil chungchanga official-a lehkha a tihchhuah Social Media-a a darh vak mai hi pawi ka ti- Setea

Aizawl | August 27, 2022: Mizoram Boxing Association (MizBA) chuan August 25 khan Boxing coach, MizBA executive member ni bawk R Lalchhuanawma (Setea) chu insawifiah turin an hriattir.

He hriattirna hi MIZBA president C Lalṭanpuia chuan tichhuakin, ni thum chhunga a insawifiah loh emaw a insawifiahna pawm a nih loh chuan MiZBA in a chungah hremna a chelek tur thu a tarlang 


Mizo Boxing coach hriat hlawh Setea hi - MIZBA pawmpui loh professional fight buaipuiin Thailand ah te a kal nia hriat vang,  MIZBA pawmpui loh in LPS nen Professional fight buatsaih turin hma a la tih hriat a nih vang,  MIZBA inkaihhruaina pawisa lova LPS in professional fight an buatsaih tur atan Amateur Boxer te leh R&J tur te etc. chu District hrang hrang ah a sawm kual tih hriat a nih vang leh  MIZBA Official Executive Group chu a vawihnih na atan Dt. 26.07.2022 khan i chhuahsan vang te a ni.


Setea hian vawiin khan insawifiahna tichhuakin, "insawifiah tura min ti hi pawi ka ti a, MIZBA-in mi mal thil chungchanga official-a lehkha a tihchhuah Social Media-a a darh vak mai hi pawi ka ti lehzual," a ti a.

"LPS Professional Fight chungchangah MIZBA nena thawh dun an rawn ngen a, MIZBA Executive Meeting ka tel ve hnuhnun berah pawm a ni a, a hnuah hnawl leh a ni tih ka hria." a ti a.
"Professional boxing hi BFI hian a pawmpui theih a nilo a, Professional Boxer te Amateur a an khelh leh theih nan a pawmpui zawk a ni. Chu mi ti chiang tur chuan BFI ngei pawn Tokyo Olympic ah India Profesional Boxer 2 Vikas Krishna leh Amit Panghal te chu a tir a ni. Amit Pannghal hian tun Commonwealth Games ah khan Gold medal Ala a ni." a ti bawk.

LPS Pro fight a tel tura mi dang sawm anga puhna chu, "LPS Professional Fight-a tel turin a hranpaa boxer ka sawm kual ka hre lo a.boxer 270 form thehlut ah hian tumah tih luihna tel lo a thehlut vek an ni." a ti bawk a ni.














Insawifiah tura hriattirna:
To,

Pu R. Lalchhuanawma,
Executive Member,
Mizoram Boxing Association. 

Subj: In sawifiah tura hriattirna. 

Ka pu,

A hmasain Mizoram Boxing Association (MIZBA) hmingin chibai ka buk a che.

Boxing Federation of India chuan Amateur Boxer te inkaihhruaina tur fel fai tak chu Dt. 21.04.2022 khan Pu Hemanta Kalita, Secretary General, BFI chuan lehkha a rawn 6 chhuak a. He lehkha pawh hi Dt. 22.04.2022 khan a copy pek i ni a. Tin, MIZBA chuan hemi chungchangah hian Boxer te, R&J, NTO, ITO leh official te inkaihhruaina tur Circular pawh a lo chhuah tawh bawk a vide No.MIZBA/57/2022- 23 : Dt. 18.07.2022. Heti chung hian MIZBA inkaihhruaina chu ngaipawimawh duh lovin:
(i) MIZBA pawmpui loh professional fight buaipuiin Thailand ah te i han kal tih hriat a ni a.
(ii) MIZBA pawmpui loh in LPS nen Professional fight buatsaih turin hma in la tih hriat a ni bawk a.
(iii) MIZBA inkaihhruaina pawisa lovin LPS in professional fight an buatsaih tur atan Amateur Boxer te leh R&J tur te etc. chu District hrang hrang ah i sawm kual tih hriat a ni a.
(iv) Tin, MIZBA Official Executive Group chu a vawihnih na atan Dt. 26.07.2022 khan i chhuahsan bawk a.

Chuvangin, MIZBA Executive Member ni chung si a MIZBA inkaihhruaina i zawm duh loh leh i ngaihpawimawh loh chhan hi he lehkha chhuahni atanga ni 3 (thum) chhung ngeiin ziak a rawn thehluh tura hriattir i ni a. He hun tiam chhunga i in sawifiahna kan dawng lo a nih emaw i in sawifiahna chu pawmtlak a nih loh chuan MIZBA in i chungah action a la dawn a ni tih kan han hriattir a che.


Yours faithfully,

(C. LALṬANPUIA)
President
Mizoram Boxing Associabon


Enclo : As above.



------


Setea insawifiahna:

To 

The President
Mizoram Boxing Association

Subject : Thil awmzia sawifiahna

Thawhpui duhtak,

A hmasain chibai ka buk a che.

I lehkha (No.Mizba/67/2022-23, Dt. 25.08.2022) ka lo hmu a, a zahawm ka ti hle mai. Mizoram Boxing Association (MIZBA) Executive Member ka nihna kawngah insawifiah tura min ti hi pawi ka ti a, MIZBA-in mi mal thil chungchanga official-a lehkha a tihchhuah Social Media-a a darh vak mai hi pawi ka ti lehzual.

Mizoram boxing-in hma a sawn theih beiseiin ka phak tawkin ka buaipui ve a. Huang kan zauhna pawimawh tak a ni tih hriain professional boxing-ah ka inrawlh ta a ni. Amatuer nen hrang mah se a tirah MIZBA thlawpna ka dawng ṭha hle a, nangmah ngei President i nih hnuah pawh min phurpuitu i ni ṭhin a, he lehkha ka hmu ta mai hian min barakhaih hle a ni. Boxing hi mimal hlawkna tur in ka kalpui lo a. Chawi belh charchar in Boxer te min mamawhna ang in ka la Kal zawk a ni, Mimal ang a ka thei leh thiam  ang tawk a Kan thawh Pathianin mal min sawm a, Pathian khawngaihna zarah hma lam Kan pan zel rih a ni.

MIZBA inkaihhruaina ngai pawimawh duh lo tia min puhna hrang hrangte hetiang hian ka rawn sawifiah e.

1) Boxing coach ka nih angin boxer-ten min mamawhna ang zelin an tan ka awm reng a, amateur leh professional boxer-te coach nih hi International Boxing Association (AIBA) danin (AIBA Technical and Conpetition Rules) 2019 page 37 sub number  14.3.1.2 min phalsak bawk a ni. Professional boxer hi vawi duailo ka lo hruai tawh a, a hnuhnung ber Thailand zin chiah sawi chhuah a ni hi ka hrethiam lo hle. Ka hna thawhna Directorate of Sports and Youth services hriatpuina ngei a zin ka ni bawk e. Thailand ah khan Profesional Boxing ka han buaipui lo a, boxer ten Coach an Mamawhna angin Boxer te an inkhelh Lai a lo second tur in ka han Kal ani.

2) Professional hi amateur nen thuneihna hran neia kal hrang a ni a. Chutih laiin tel kawp theihin AIBA-in dan a siam tawh a, BFI ngei pawn Boxer te an khelh kawp theih Nan BFI  letter no Ref.No.BFI/Gen/2019-20/421 August 29 2019 khan lehkha an lo ti chhuak tawh bawk Ani, professional boxing hrim hrim dodalna hi thil ṭha lo tak niin ka hria. LPS Professional Fight chungchangah MIZBA nena thawh dun an rawn ngen a, MIZBA Executive Meeting ka tel ve hnuhnun berah pawm a ni a, a hnuah hnawl leh a ni tih ka hria. Kei chuan amatuer emaw professional emaw boxer-ten huam zau thei ang bera hma an sawn theih ka duh hle a ni. BFI letter 21 April 2022 a tih chhuah kha ngun takin ka lo zir chhiang ve a Profesional Boxing vawi 1 mah a mention lo a Amateur boxing Championship a pawmpuina chauh a tel tur a tihna a ni.Tin BFI hian a sawi tum ber chu,India ah hian BFI nilo Amateur pawl dang a ding a,chu mi hnuai a an inkhelh zawk hi a phallo ni in alang, professional boxing ah hian a rawn buai em em lem lo. Professional boxing hi BFI hian a pawmpui theih a nilo a, Professional Boxer te Amateur a an khelh leh theih nan a pawmpui zawk a ni. Chu mi ti chiang tur chuan BFI ngei pawn Tokyo Olympic ah India Profesional Boxer 2 Vikas Krishna leh Amit Panghal te chu a tir a ni. Amit Pannghal hian tun Commonwealth Games ah khan Gold medal Ala a ni.

3) LPS Professional Fight-a tel turin a hranpaa boxer ka sawm kual ka hre lo a.boxer 270 form thehlut ah hian tumah tih luihna tel lo a thehlut vek an ni. Dawt a boxer te sawm ang a min puh na hi ka la na hle bawk a ni. Boxer tumah hi ka sawm ngai lo a, Boxer min ngen na hi ka tihsak thin zawk a ni. Referee and Judge ni turte tihluihna tel loin amahni duhthlanna hmanga thutlukna siam turin ka bia. 

4) MIBZA official Executive Group ka chhuahsan nachhan chu - theihtawpa boxing-a hma ka lo lak vena te, min hlutpui a hneka hnuaichhiaha, mi mal ang zawnga group-a min bei an awm  ṭhin a, ka rilru a nat loh zawk nan leh ka tan him zawka ka hriat vang a ni.

MIZBA Executive Member-a telh ve ka ni hi a hluin a zahawm ka ti a. Thil hriatthiam dan a inchen tawk loh avanga hetiang thil a thleng ta erawh ṭha lo ka ti tak zet. Thui tak ka ngaihtuahin huam kim zawnga boxing hmasawnna ngaih pawimawh ṭha ka ti a, chumi avanga MIZBA pawi ka sawi a nih chuan hriatthiamna ka ngen nghal a ni.

Ram leh hnam tan MIZBA-in hma a lakna kawngah hma a sawn zel theih nan duhsakna ka hlan e.

I thawhpui,
R.Lalchhuanawma











Post i hmuh dan

Post a Comment

0 Comments