Ticker

10/recent/ticker-posts

Hmeichhe kutthlaka sawisatu man

Aizawl | Aug 17, 2022: Mi pakhatin hmeichhia leh naute a sawisakna video nimin lama social media-a darh, rapthlak leh mipui thin tirim em emtu chu Mizoram Police chuan rang takin a chhui zui a.

Social Media hrang hranga a lo chhuahna te chhui chiangin pawi khawihtu hi chhui chhuah a ni a. District Special Branch (DSB) hnen atanga thu an dawn veleh Siaha Police te chuan rang takin kutthlaktu, Lalramdinsanga(25) s/o SB Gurung(L), Siaha Tlah-II chu a chenna inah man a ni. District hrang hrang Police te thawhhona tha tak avangin kutthlaktu hi darkar 24 ral hmain man a ni ta a ni.

Mizoram Polie chuan, Hetianga nunau chunga kutthlak leh tharum thawhna hi na taka hrem theih sualna a nih bakah ram tihmaibaltu thil huatthlala tak a ni a, hetiang thil hmu leh hria chuan rang taka Police hnena report thin turin Mizoram Police chuan mipuite a ngen tak zet a ni, tiin an thuchhuah chuan a tarlang.
Post i hmuh dan

Post a Comment

0 Comments