Ticker

10/recent/ticker-posts

Debate lar tak kha ziaktu lar Revd Chuauthuama'n engtin nge a sawi?!





Aizawl | August 23, 2022: Hmanni lawka UPC pastor leh Dr PC Biaksiama ten UPC thurin leh trinity chungchang debate an neih, zoram mipuiin an ngaihven lar tak chu tul a tih loh thu leh a en loh thu Revd Chuauthuama'n zawhna chhangin a sawi.


Vawiina MZP buatsaih Thu leh Hla Kutpui neihnaa, ziakmite kawmnaa MZP President Lalnunmawia Pautu in a zawhna chhangin Revd Chuauṭhuama chuan, kohhran pahnih debate a nih loh thu sawiin, "Pakhat khan UPC Mizoram ai a awh a ni thei e, pakhat kha chu Kanan venga mi, mi pakhat PC Biaksiama  a ni mai, Kohhran pahnih inkar a ni lo.  Chuvangin, kei chuan khatiang kha tha pawh ka ti lo a, kan Kohhran ai a awh zo lo a. Kanan kohhranah chuan Kohhran Upa a ni thei e. 


Mahse, Kanan Kohhran aiawha ding pawh a ni lo va, ama mimala ding a ni a. A aiawh deuh ber chu Kristian media a tih, ama library ai kha a awh niin ka ring. Chuvang chuanin, presbyterian ai a awh zo lo. 

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Chubakah chuan kha debate kha thil ṭul lo tak a ni a. Tuna i sawi ang khan, Presbyterian leh UPC inbeihna emaw an ti a. Keini chuan ṭul lo kan ti a, en paawh ka en duh lo a ni," a ti.

MZP buatsaih Thu leh Hla Kûtpui hi naktukah Vanapa Hall ah chhunzawm a ni leh dawn a, ziakmite kawmna leh MAL BoY chawimawina dawng tawhte chawimawina hun hman a ni ang.
Post i hmuh dan

Post a Comment

0 Comments