Aizawl | August 17, 2022: United Lai, Mara, Chakma Congress Committee chuan Mizoram Pradesh Congress Committee chu Congress MDC te'n MNF MDC thawhpuia Mara Autonomous District Council (MADC) ah sawrkarna an siam chungchangah Congress MDC te chungah zahngaihna lantir turin Mizoram Pradesh Congress Committee (MPCC) an ngen.
United Lai, Mara, Chakma Congress Committee te hi nimin khan Lawngtlai a Lai District Congress Committee Office ah ţhukhawmin, MPCC in Party dang thawhpui nei lo tura a tih laia, Mara Autonomous District Council a Congress MDC leh MNF MDC ten Congress kaihhruai Sorkar an din chungchangah, United Lai, Mara, Chakma Congress Committee chuan, Central, State leh Autonomous District Council ah te Congress kaihhruai Sorkar a din lohna-ah ram mipuite’n an tuar nasa ţhin niin an sawi a. MADC-ah pawh mipuite tawrhna a thlen loh na’n Congress Party kaihhruai Sorkar din chu mipui hmangaihna aţanga chhuak a nih vangin, MPCC-in an MDC te Party dang thawhpui lo tura a tih chu an zawm theih loh vangin, mipui hmakhua thlir chungin MPCC chuan MADC a Congress MDC te chungah zahngaihna lantir turin an ngen a, an lehkha hi vawiin khan MPCC hruaitute hnen ah an thawn a ni.
Member 25 awmna Mara Autonomous District Council inthlanpui hnuhnung berah khan Congress chuan Member 4 neiin, MNF in Member 9, BJP in Member 12 an nei a. Hun engemaw chen Sorkar a pian mai theih loh hnu ah Congress leh MNF ten Sorkar inţawm siamin, Congress Member Pu H. Malvina chu Chief Executive Member atan thlan a ni.
- AIR News Aizawl
Post a Comment
He post chungchanga i ngaihdan lo sawi ve rawh: