Ticker

10/recent/ticker-posts

Burma raltlante tanpuina sum hlan

Aizawl | August 18, 2022: Burma ramchhung buaina vanga Tahan Kalay Region-a raltlante tanpuina sum khawn chu vawiin khan MZP Conference -ah hlan a ni.


He hun hi MZP vice president Andrew F Lalramnghaka'n a kaihruai.

Pawisa hlanna hunah hian MZP President Pu Lalnunmawia Pautu chuan thu sawiin, "Khawchhak lama kan unaute hian ṭanpui an ngai a. A ram chhunga Myanmar sipaite kuttuar a, nunau pawisawi lote tawrhna hi a rapthlak tak zet a. Ei leh bar tur an nei lova, an khua halsak an nih avangin an mangang em em a ni." a ti a.

MZP President chuan, "Heng Tahan (Kalay Region) leh a chhehvêl tanpuina tura pawl hrang hrangin vehbur kan khawna pawisa lo thawhtu, Zoram mipuite zawng zawng chungah kan lawm a. A let tam takin Pathian in mal a sawm ang tih kan ring a ni" a ti. 

Myanmar ram chhung Tahan (Kalay Region) leh a chhehvel tanpui nan, Mizo Zirlai Pawl (MZP), Mizo Zaimi Inzawmkhawm (MZI), People United in Music with a purpose (PUMP) leh NGO United for Democratic Myanmar te tangkawpin June ni 30, August ni 6 leh August ni 15 khan Aizawl khawpui chhung hmun hrang hrangah Mobile Charity Concert a buatsaih a, he concert aṭang hian Rs. 5,03,534/- lai hmuh a ni a. Heng sum hmuhte hi vawiin khan hlan niin, Myanmar chhung Tahan leh a chhehvel-a a mamawhtute tan thawn a ni dawn a ni.

MZP President bakah hian, MZI President Pu David Z. Hmar in thu a sawi a. Heng Charity Concert a pawisa thawhtu zawng zawngte chungah MZP leh a thawhpui pawl hrang hrangte chuan thinlung takin lawmthu an sawi a ni. 

Vawiina sum hlan hi cheng nuai 5 vel a ni a, hemi bakah hian CYMA chuan cheng 50,000 an pe bawk niin thu dawn a ni.




___________
No. E-93/MZP-GHQ/2021-2023/50        Dated Aizawl, the 18th August, 2022


MZP PRESS RELEASE

Vawiin ni 18th August, 2022 (Ningani) chawhnu dar 2 khan MZP Conference Hall-ah Myanmar raltlante tanpuina atana Mobile Charity Concert a pawisa hmuhte inhlanna hun hman a ni a. He hun hi Pu Andrew F Lalramnghaka Vice President MZP in a kaihruai. 

Pawisa hlanna hunah hian MZP President Pu Lalnunmawia Pautu chuan thu sawiin, "Khawchhak lama kan unaute hian ṭanpui an ngai a. A ram chhunga Myanmar sipaite kuttuar a, nunau pawisawi lote tawrhna hi a rapthlak tak zet a. Ei leh bar tur an nei lova, an khua halsak an nih avangin an mangang em em a ni." a ti a.

MZP President chuan, "Heng Tahan (Kalay Region) leh a chhehvêl tanpuina tura pawl hrang hrangin vehbur kan khawna pawisa lo thawhtu, Zoram mipuite zawng zawng chungah kan lawm a. A let tam takin Pathian in mal a sawm ang tih kan ring a ni" a ti. 

Myanmar ram chhung Tahan (Kalay Region) leh a chhehvel tanpui nan, Mizo Zirlai Pawl (MZP), Mizo Zaimi Inzawmkhawm (MZI), People United in Music with a purpose (PUMP) leh NGO United for Democratic Myanmar te tangkawpin June ni 30, August ni 6 leh August ni 15 khan Aizawl khawpui chhung hmun hrang hrangah Mobile Charity Concert a buatsaih a, he concert aṭang hian Rs. 5,03,534/- lai hmuh a ni a. Heng sum hmuhte hi vawiin khan hlan niin, Myanmar chhung Tahan leh a chhehvel-a a mamawhtute tan thawn a ni dawn a ni.

MZP President bakah hian, MZI President Pu David Z. Hmar in thu a sawi a. Heng Charity Concert a pawisa thawhtu zawng zawngte chungah MZP leh a thawhpui pawl hrang hrangte chuan thinlung takin lawmthu an sawi a ni. 

Sd/-
(H. LALTHUTHLUNGA ZATE)
Secretary i/c Publicity

Post i hmuh dan

Post a Comment

0 Comments