Aizawl | August 17, 2022: Aizawl Venghlui Pisa tlang/Treasury Square panna kawngpui sira lu meh dawr pakhatah chuan 'Kum 70 chunglam FREE' tih hi a lo intar a, mi mit a lain enzuitu a ngah thin hle.
Chu lu mehna dawrah chuan Kum 20-a upa Nathan chuan kum 70 chung lam te chu a thlawnin an lu a lo mehsak thin a. "an titi a ngaihnawm thin hle," a ti.
"A thlawn a ni tak tak em ni," tia ka zawh chuan, "ni tak tak e," a ti a, mipa pakhat lu a meh lai chu meh chhhunzawm pahin, "an lawm thei lutuk!" a ti.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
"I kalpuina a rei tawh em?" ka tih chuan, "kum khat vel chu a ni ve tawh," a ti a, dawrtu a neih ve nual thin thu a sawi bawk.
Nathan tia an koh mai hi Nathan R Lalrindika niin, a pa chu R Laldinpui a ni a, Nathan hi Unau pali zinga upa ber dawttu a ni a, Venghlui-ah chengin, Aizawl Kohhran-ah an lawi a ni.
Kum 20 mi Nathan hian Pachhunga University College-ah B.A Economics zirin, 5th semester a ni mek a ni.
Nathan chuan, "kum upa tak tak te an ni a, an lo kal thin a, an titi a ngaihnawm thei hle" a ti a. "Pakhat phei chu pensioner a ni a, a titi a bengvarthlak thei lutuk," a ti.
Lu mehna dawr a siamna hi an in a nih nghal thu sawiin, lu mehna atan hian pindan zimte a ping dang ve a ni.
Nathan chuan, "lockdown tirh khan Youtube-ah lu meh dan te ka en a, chuan, ka naute ka mehsak thin a," a ti a. "A hnuah, a zalen deuh hnu khan ka thiante ka mehsak leh a, chumi hnu chuan veng chhung mi lu met duh te'n min ko thin," a ti.
Chutianga a tih hnu chuan an in a kawngpui hnaih lam chu zimte ping dangin lu mehna dawr a siam ta a, he a dawr hi kum 1 vel a kalpui tawh a ni.
Hripui a kiang a, college pawh offline in class an kal tawh a, chhunah colllege kalin, tlai leh hun remchangah lu a met mai thin a ni!
Mi dang tana malsawmna nih hreh lo, tlangval taima leh thawhhreh nei lo Nathan hi a fel em a, ka han tarlang a ni.
(A hmelhriat loh zawhna hawihhawm taka a chhanin hetia ka lo thai ta mai hi min huat phah em lovang chu maw...!!)
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
- H Zate
Founder/Editor
Explore Mizoram
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: