Ticker

10/recent/ticker-posts

MSU-in MZU UG Exam-a Mizo topperte chawimawina hlan; UG Exama SU graduate tharte lawmpuina hlan

Aizawl | July 12, 2022: Mizo Students’ Union (MSU) General Headquarters, Aizawl chuan vawiin 12th July, 2022 chawhma dar 11:00 khan Vanapa Hall-ah Mizoram University buaitsaih Under Graduate Examination 2022 result tih chhuaha Subject hrang hrang a Mizo Topper te lawmpuina leh Students’ Union Leaders 2020-2021 Graduate tharte lawmpuina hun a hmang. He hun hi Pu Zodinsanga, Fin. Secretary-in a kaihruai a, Rev. Fr.Jerome Vungbiakdika, Secretary to Bishop of Aizawl chuan hunserh hmangin KULVA Choir-in Mizo Hnam hla “Ro min relsak ang che,” tih hla remin hun an hawng a. MSU Asst. General Secretary Laldinsanga'n inhmelhriattirna hun a hmang.


He huna Khuallian Chief minister Pu Zoramthanga chuan, under graduate topper te chu a lawmpui thu sawiin, zirna chu eizawnna kawngah chauh nilo, mihring pangngai, mi zahawm leh rawn tlak a min siamtu a nih hmasak thu a sawi a. Ruihtheih thil te, zuk leh hmuam te'n mi a nih theih ang ni thei lova a siam fo thin chu veiawm a tih thu te, chung lakah chuan zirlaite chu fihlim tlat turin a chah. Chief Minister chuan thalai mithiamte chu ram hmasawnna atan an pawimawh thu sawiin, zirlaite chuan theihtawp an chhuah chuan tih theihloh mihring tan a awm manglo, a ti a. Mahni inthununna kawngah te ruihtheih thil laka fihlim a, tumruhna nen theihtawp chhuah zel turin zirlai te a fuih a ni.




MSU General Headquarters President J Lalmuanzuala chuan, zirlai kalkhawm te chu ram leh hnam hmathlir an nih thu sawiin tun atanga rilru dik tak pu tan turin leh zirlai an nih atanga eirukna laka fihlim turin a chah. Pu Muana chuan Zofate inpumkhatna turin leh ram leh hnam chhan nan MSU chuan kil tin atangin ke apen reng thu sawiin, MSU hun pawimawh ber te zing ami ZO Hnam Chhan Ni September thla a hman thin chu kumin hian Trpura Zampuitlang dunga hman a tul thu a sawiin ram chhan nan leh Mizoram pawna Zofate thlamuan turin MSU chuan theihtawp a chhuah tur thu a sawi.

Uaptu Pu John Lalpeka, Proprietor 3:16 plan Solution pawhin thusawiin, zirlai kalkhawm te chu an zirna leh an thil tih kawng tinrengah tih tak takna nena tan la turin a fuih a, mi taima tan thil harsa a awm loh thu a sawiin hlawhtling tur chuan nakin sawi lova tun atanga bul tana teirei peih  a tul thu a sawi. 

Pu Samuel Zoramthanpuia, General Secretary, MSU chuan Topper lawmpuina hun kaihhruaiin, Under Graduate Examination 2022 Mizo Toppers lawmpuina hlante chu:  
1) English: Ruth C. Lalremsangi, HATIM
2) Mizo: C. Lalhunmawia, Govt. Hrangbana College
3) Education: Vanlalrinpuii, Pachhunga University College
4) Geography: Lalhmingsangi, Govt. Hrangbana College
5) History: Lalrinhlui, Pachhunga University College
6) Sociology: Lalbuatsaiha Khalthang, Govt. T. Romana College
7) Political Science: Amos Vanlaltleipuia, Govt. Hrangbana College
8) Psychology: Lallawmkimi, Pachhunga University College
9) Economics: Lalruatsanga, Pachhunga University College
10) Philosophy: Brendon Lalramnghaka Khiangte, Pachhunga University College
11) Public Administration: K. Lalmalsawmi, Pachhunga University College
12) Mathematics (Arts): Lalrosangi, Pachhunga University College
13) Physics: David Lalhruaichhuaha, Pachhunga University College
14) Chemistry: R. Lalruatsangi, Pachhunga University College
15) Mathematics: Vanlalvenpuia, Pachhunga University College
16) Zoology: Lalhmangaihmawia Hnamte, Pachhunga University College
17) Botany: Lalparvuli, Govt. Zirtiri Residential Science College
18) Geology: C. Zothansanga, Pachhunga University College
19) Statistics: Hriatdawngzeli, Pachhunga University College
20) Environmental Science: Lalruatfeli Fanai, Pachhunga University College
21) Biotechnology: Lalenpuii, Pachhunga University College
22) Electronics: John Lalmuanpuia, Govt. Zirtiri Residential Science College
23) Commerce: Lalmalsawmi, Govt. Hrangbana College
24) Home Science: C. Lalthanpuii, Govt. Zirtiri Residential Science College

He hunah hian College Students’ Union Leaders 2021-22 graduate tharte lawmpuina hun neih ni nghalin Aricle inziahsiak lawmman sem a ni bawk.














Post i hmuh dan

Post a Comment

0 Comments