Aizawl | July 30, 2022: Mizoram Basket Ball Association (MBBA) leh zonet buatsaih Mizoram super League season 8 a district aiawh khel tur zawnna chu zanin khan a hmawr bawk a ni a, Champhai District Basketball Association team chu Mizoram Super League 8 khel turin an tling.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Hawla Indoor Stadiuma khelh, MSL 8 qualifying match final-ah hian Champhai hian Lunglei district team nen final khelin, 73 - 59 in hnehin MSL 8 team/club ni turin an inhlangkai ta a ni.
MSL 8-ah hian season hmasa lama MSL khel sa - Zarkawt BCA, Khatla TBL, Tuikual South, Chanmari Vikings leh Mission Veng Hotshots te an inlan leh dawn a, MSL khel sa team panga bakah hian Division 1 atangin Khatla South Barons leh LB Associates Bungkawn an tling tawh a, hmun ruak pakhat chu qualifying champion Champhai hian an hnawhkhat a ni.
MSL 7 club Chawnpui BC erawh Division 1 lamah an chhuk leh rih dawn a ni.
District pasarih in MSL8 qualifying hi an khel a. MSL danga team 6 awm ṭhin kha, MSL8 atang hian Club 8 ah tih pun a ni. Club 1 hi district quota atana dah tawp a ni. District khel duh te an tel a. District 7 - Champhai, Kolasib, Lawngtlai, Lunglei, Saitual, Serchhip leh Siaha te an chhuak.
Heti hian MSL 8 ah Zarkawt BCA, Khatla TBL, Mission Veng Hotshots, Tuikual South Basketball Club, Chanmari Vikings, Khatla South Barons, LB Associates Bungkawn leh Champhai District Basketball Association te an inlan dawn ta a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Post a Comment
He post chungchanga i ngaihdan lo sawi ve rawh: