D3 Amrit Cement 22nd Inter Branch YMA Volleyball tournament 2022 - Mipa Champion Hunthar veng, Hmeichhe champion - Bungkawn branch

Aizawl | July 31, 2022:  D3 Amrit Cement 22nd Inter Branch YMA Volleyball tournament - mipa final nizana khelhah Hunthar Veng branch, Aizawl-in 25-21; 25-19; 16-25; 22-25; 15-13 a Khawhai branch hnehin an champion.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Heti hian Hunthar veng hi ram pum huap volleyball inelna lianah a vawi thum nan an champion a ni.

Ram pum huam inelnaah tun hmain vawi hnih an champion tawh a, final-ah vawi nga an tlawm tawh bawk, an thleng sang ngun hle.

R Dengṭhuama Indoor Stadium-a khelh D3 Amrit Cement 22nd Inter Branch YMA Volleyball tournament 2022 hian ngaihhlut a hlawhin entu an tam thei hle a. July 29 zan khan Hmeichhe final khelin, Bungkawn Branch YMA in Kolasib diakkawn hnehin champion an ni bawk.

R. Dengthuama Indoor Stadium, Mualpuiah fans an phungkhawm hnem, hall-a leng lo an kalkhawm bakah TV leh YouTube atanga entu an tam - final boruak a sangin a hmuhnawm takzet.

Khawhai hian Pro Volleyball player an nei nual a. Tuichangral player tha Saidingpuia Sailo, Vanlalthlamuanpuia Sailo leh Lalruatkima te bakah Hunthar team tana khel Zomuansanga te an nei - ani hian YMA inelnaah erawh club ni loin mahni branch tan a khel.

Hunthar hian PVL player paruk ngawt an kawl a, anni ho bakah hian 2009 an champion tuma Best Spiker C Laldawngkima hoa khel an ni, team pahnih hi tih fuh vang ni loin thiam vanga final khel an ni tih a chiang.

Inkhel boruak sangah Hunthar lamin an tawnhriat neih an chhawr tangkai. Set khatnaah an che tha zawk a, set hnihnaah pawh 3-0 in hniam nghal mah se set latu zawk an ni thei.

Set thumnaah Khawhai lamin tlawm an tum mai mai lo tih an lantir, point nga vel bawrin an sang reng thei. Mapuia awmna team hian huaisen takin set an la.

Khawhai bawkin set lina an la, set lina tawp dawnah boruak a sang zual deuh zauh a, an chawl lailawk. Set hnuhnung berah team tha Hunthar an vannei ta zawk a ni.

D3 Amrit Cement 22nd Inter Branch YMA Volleyball Tournament hmeichhe champion chu Bungkawn an ni.

R.Dengṭhuama Hall-a final hmuhnawm takah Bungkawn hian Kolasib Diakkawn chub 23-25, 25-17, 25-17, 25-22 in an hnen. Kum 2018 khan Bungkawn hi an champion a, an nomawi an humhim.

Bungkawn hian CYMA Volleyball-ah a vawi riat nan an champion a, Kanan nen an champion zat a inang.

He tournamentah hian Branch YMA tel zawng zawng hnenah Dekchi pek vek an ni.

Quarterfinal aṭangin Player of the match thlan a ni a, trophy pek zel a ni. 

MIPA LAWMMAN

Champion: Hunthar

Rs. 50,000/- Trophy, Medal, Certificate

Runners' up: Khawhai

Rs. 25,000/- Trophy, Medal, Certificate

Semi Finalist: Chhinga Veng & Zawlnuam Vengpui - Rs 5,000/- each

Quarter Finalist: Tlangsam, Khawbel, Kulikawn West & Maubawk.- Rs. 2,000/- each

HMEICHHE LAWMMAN

Bungkawn 3-1 Kolasib Diakkawn

23-25, 25-17, 25-17, 25-22

PoM : FP Lalduhkimi, Bungkawn

Champion : Bungkawn

Rs. 50,000/- Trophy, Medal, Certificate

Runners' up : Kolasib Diakkawn

Rs. 25,000/- Trophy, Medal, Certificate

Aemi Finalist : Armed Veng South & Kanan

Rs 5,000/- each

Quarter Finalist : Dawrpui Vengthar, Hlimen, Bethlehem Vengthlang & Thenzawl Field Veng

Rs. 2,000/- each

Best Spiker : F . Lalparmawii, Bungkawn

Best Setter : Lalrinzuali, Kolasib Diakkawn

Best Coach : Rohmingliana Khiangte, Bungkawn

🏐 Mimal lawmman hian Rs 1,000/- leh Trophy a keng tel.

With Input from - Chhanna_TheAnswer / Central YMA |