Miss India Mizoram 2022 Hlui Sailo in BWAP atan bituk zat tlin ta; Amah aia khawn hnem an awm nual!

Aizawl | July 1, 2022: Miss India 2022 inelna kal mekah 'Beauty With A Purpose' inelnaah Mizoram aiawha tel Lalramhlui Sailo chuan mipuite puihna a mamawh.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]



Hlui Sailo hian an target 2,00,000 chu khum tawh mahse, intihsiakna a ni miau a, amah aia sang hi an la tam a, amah aia sang an tam miau chuan a chan a la ṭha tawk lo a ni!


Engtin?
Miss Beauty With A Purpose ah hian India rama naupang cancer veite tan vehbur khawn tur a ni a, Contestant te hian July 2 thleng hun neiin cheng 2,00,000 tal an khawn tlin a ngai a ni.

Kan remchan leh phal ang tawk ṭheuh thawhin, mi dang hrilhhriat a, sawm zel a ngai bawk a ni. 

He intihsiakna hi Mipuiin an thlawp leh thlawp loh, mipuiah huhang an neih leh neih loh tehna pakhat a ni.

Mizoram aiawhtu Hlui Sailo hian tukin zing dar 7 vel khan 2,13,978 a khawn chhuak tawh a, a lawmawm hle a ni. Hetihrual hian amah aia khawn chhuak hnem an la awm nual!



Hemi vang hian ṭan a ngai a, he hun hi Mizoram ang leh Zofate a hnam anga kan ṭan a ngaih hun leh kan hming ṭhat theihna hun niin a lang.

ah hian hmeh a, donate mai tur a ni. GPay hmang pawhin a donate theih a, thlalakah dah a ni e.




Miss India 2022-ah hian contestant 31 an awm a, cheng nuai 2 ṭheuh tal an khawn chhuah a ngai a, Miss India hian cheng nuai 62 tal khawnchhuah an tum a ni!

Lalramhlui Sailo kawmna HETAH a awm e.

Lalramhlui Sailo aia vehbur khawn hnemte:
• Sailikhita Yalamanchili hian 7,31,005 a khawn chhuak tawh a, Kajal Rani hian 2,52,258 khawn chhuak tawhin, Sini Shetty hian 2,52,001 a khawn chhuak tawh a, Tengam Celine Koyu hian 2,45,620 a khawn chhuak tawh bawk  a  ni.







Sub contest zinga pawimawh em em mai pakhat “Miss Beauty With A Purpose” subtitle hi Grand Finale zan ah sem a ni dawn a, India ram puma cancer vei naupang te tan vehbur khawn a ni a, vehbur khawn tur an bituk chin hi Cheng Rs.200000/- a ni.







[News update awlsam taka i dawn theih nan telegram channel hi lo join ve ta che https://t.me/exploremizoramchannel ]






Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post