Ticker

10/recent/ticker-posts

MZP in Remna Ni 2022 hmang; Home minister in hmanpui


Aizawl | June 30, 2022: Mizo Zirlai Pawl (MZP) General Headquarters chuan zanin khan Aijal Club-ah Remna Ni 2022 an hmang.
He hun hi Mizoram Home Minister Lalchamliana chuan khuallian niin a hmanpui.




Remna Ni 2022 lawmna hi MZP Gen. Hqrs Treasurer Sanghmingthanga'n a kaihruai a. He hunah hian Rev. Dr Lalsawma (L) chu Mizoramah remna a awm theuh nana a hnathawh vangin chawimawina hlan a ni a, a aiawhin a nupuiin a dawng a ni.


MZP in remna ni a lawmnaah hian Home minister leh MZP Gen. Hqrs vice president Andrew F Lalramnghaka te'n thu an sawi a, MZP Adviser L Ramdinliana Renthlei in 'Mizoram leh Remna' tih thupui hmangin thu a sawi bawk.

MZP chuan India sawrkar leh Mizo National Front (MNF) in  inremna an ziahna ni hi 2018 aṭang khan Mizoram pumah rualkhai zawka hman a nih theih nan kum tin a hmang ṭhin a. Kumin pawh hian sawrkarin a hrangin buatsaih mahse, an hmang ta tho a ni.

MNF in 1966 March 1 aṭanga India lakazalenna a sual vanga kum 20 chuang ram buaia Mizoram a awm hnua 1987 June 30 a remna ziah a ni ta hi Mizo mipui tam tak tan chuan a lawmawm a, he remna hi remna tluantling leh  a ziaktute'n an zah remna a ni.

He remna ziahna ni hi 'Remna Ni' tiin hman ṭhin a ni.
Post i hmuh dan

Post a Comment

0 Comments