Ticker

10/recent/ticker-posts

Chhim thlipui tlehin SEKI a chhem tlu; Hnehna hlado nen Serkawn an haw dawn!

 Aizawl | July 8, 2022: Mizorama Band intihsiakna ropui leh ngaihhlut hlawh SEKI 2022 chu zanin khan Vanapa Hall-ah a hmawr bawk a ni ta a, Open Category-ah Serkawn Village Council Band an thiam ber.

Chhim thlipui tlehin SEKI a chhem tlu a, SEKI inter Village Band Contest neih mekah Mizoram-ah Serkawn an ropui ber!

Zawlkhawpuia an rawn sapatal hnuah khual val - Serkawn valte hnehna hlado nen Leitlangpui an lawi dawn.


Zanin SEKI a tawp kharnaah hian K Hminga, Benzamin Sum, G'nie leh Lilac, JH Peka, Shai Hills, Matilda & the Quest te'n SEKI dawhsan an mawi a, ṭhalai an tamin an phur a, an sahawk nasa hle.

Mizoram Band intihsiakna leh show lian ber SEKI ah rimawi lama Mizoram ṭhalaite thiamna san zia hmuh theihin a awm a, chhunzawm zel tlak a ni.

SEKI 2022 pakhatna lawmman hi Mizoram Youth Commission chairman Dr Vanlaltanpuia'n a hlan a ni.

SEKI 2022 pakhatna hi Serkawn VC Band, Lunglei niin, pahnihna hi Chanmari West LC Polyshere an ni a, 3na - Electric veng Local Council Band, Aizawl an ni bawk.

SEKI - Inter Village Band Contest hi 2019 khan ṭan tawh niin, hripui vanga chawlh lailawk a nih hnuin kuminah chhunzawm leh a ni.

Kumin SEKI ah hian under 19 leh open category ah intihsiakna buatsaih a nia, nizanah under q9 puan a ni tawhin, zanin khan Open category result hi puan a ni.
Mimal lawmman sem a ni a, ahnuaia mi ang hi an lawmman dawn dan a ni.

Best Vocalist -  Lalremruata, Ramthar veng LC
Best Guitarist - Gabriel Lalhmangaihzuala, 
Bassist - Lalhmangaihzuala, Chanmari West Polyshere
Best Drummer - R Vanlalzawna, Serkawn VC Band
Best Keyboardist - Lalrinsanga, Electric veng LC
Post i hmuh dan

Post a Comment

0 Comments