Band intihsiakna SEKI 2022 a hmawr bawk; Serkawn VC Band an thiam ber!

Aizawl | July 8, 2022: Mizorama Band intihsiakna ropui leh ngaihhlut hlawh SEKI 2022 chu zanin khan Vanapa Hall-ah a hmawr bawk a ni ta a, Open Category-ah Serkawn Village Council Band an thiam ber.


SEKI 2022 pakhatna lawmman hi Mizoram Youth Commission chairman Dr Vanlaltanpuia'n a hlan a ni.

SEKI 2022 pakhatna hi Serkawn VC Band, Lunglei niin, pahnihna hi Chanmari West LC Polyshere an ni a, 3na - Electric veng Local Council Band, Aizawl an ni bawk.

SEKI - Inter Village Band Contest hi 2019 khan ṭan tawh niin, hripui vanga chawlh lailawk a nih hnuin kuminah chhunzawm leh a ni.

Kumin SEKI ah hian under 19 leh open category ah intihsiakna buatsaih a nia, nizanah under q9 puan a ni tawhin, zanin khan Open category result hi puan a ni.
Mimal lawmman sem a ni a, ahnuaia mi ang hi an lawmman dawn dan a ni.

Best Vocalist -  Lalremruata, Ramthar veng LC
Best Guitarist - Gabriel Lalhmangaihzuala, 
Bassist - Lalhmangaihzuala, Chanmari West Polyshere
Best Drummer - R Vanlalzawna, Serkawn VC Band
Best Keyboardist - Lalrinsanga, Electric veng LC




Nizana result puan tak SEKI under 19 ah hian Dinthar LC pakhatna niin, pahnihna hi Chhinga veng LC an ni a, Ramhlun South Local Council band chu pathumna an ni.

Zanin SEKI ah hian The Prophets, Cassettes, Ramhlun South LC (2019 Seki Champion) leh Franics te an perform a ni.

SEKI under 19-ah hian mimal chawimawna hlan  an ni bawk a, a hnuaia mi ang hi a ni.
Best Vocalist - Fedric Lalthanpuia , Dinthar LC
Best Guitarist - Joseph Lalchhandama, Ramthar veng LC
Bassist - C Lalruatfela, Ramhlun South LC
Best Drummer - Lalfamkima, Dinthar veng LC
Best Keyboardist - Manase Lalrohlua,  Ramthar veng LC


Post a Comment

He post chungchanga i ngaihdan lo sawi ve rawh:

Previous Post Next Post