Aizawl | July 10, 2022: Miss India 2022 ah Armed veng nula Lalramhlui Sailo in Mizoram ai a awh hnuah, Mr India lamah pawh Armed veng tui liak vek Fabian Lalrinpuia chu Mizoram aiawh tura thlan a ni leh ta!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Fabian Lalrinpuia, Armed Veng, Aizawl chu September thla-a Chennai khawpuia nghah tur, Indian mipate tana pageant buatsaih thin zinga lian ber leh hlut hlawh bera chhal, “Rubaru Mr. India” finalists zinga Mizoram atanga tling hmasa ber ni.
 |
| A thuam hi Kelvi international, Israel point ten an tumsak (sponsor) a ni. |
He inelna Mizoram mi finalist kan neih theih nan hian Rubaru Mr India ni lai, Nagaland tlangval Songashim Rungsung leh Hringnun Keh Them lehkhabu ziaktu Amos MS Dawngzuala te chuan theihtawpa hma lain, Mizo tlangval Fabian Lalrinpuia hi an thlang.
Rubaru Mr. India championship-a Mizoram aiawh tur Fabian Lalrinpuia hi tlangval fel leh invawng tak niin, Civil Engineering-ah degree a nei a. Amah hi tlangval thluak tha tak a ni a, Science Congress-ah Mizoram ai lo awh tawhin, Mizoram huap Mathematics inelna-ah pawh lawmman pakhatna a lo la hial tawh a ni. Hriselna leh fitness ngai pawimawh tak a ni a, Bodybuilding leh inbanelh intihsiaknaaah pawh medal awrh lovin a haw ngai lo! Thiam thil ngah tak a ni a, Hip hop(Rap) hla lar takte pawh a tichhuak tawh nghe nghe, Content creator leh Multimedia developer tha tak a ni bawk. Ruihtheih thilah a fihlim mai bakah ei leh in a uluk hle a, a thalaipuite hnena ruitheih thil tel lova nun hlim leh hrisel a neih theihzia pholan hi a tum nghet hle.
Rubaru Mr. India Contest hi kum 2004 khan neih tan niin kumin hi a tum sawm pariatna tur chiah a ni a. Mipate tana hetiang lama inelna buatsaihah chuan a upa ber leh changtlung bera ngaih a ni . He contest hian khawvel pum huap modelling competition leh championship thawhpui a ngah hle a, he intihsiaknaa a ti tha zualte hian khawvel huap inelnna-ah India ai an awh thin a ni. Chhinchhiah danin Rubaru Mr. India hian male pageant khawvelah rorel mekin, winner leh titleholder ngah ber a ni mek a ni.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: