Nasha Mukt Bharat Abhiyaan Aizawl District Committee thukhawm

Aizawl 3rd June 2022: Vawiin dar 10:30 A.M khan Dr.Lalhriatzuali Ralte IAS, Deputy Commissioner, Aizawl District Chairman-na hnuaiah District Committee for “Nasha Mukt Bharat Abhiyaan (Drug Free India Campaign Mizoram)”te chuan R.D Conference Hall, Chanmari ah chuan an hmalak tawhna te thlir hovin, hmalak zel dan tur te an rel.

Chak zawka hmalakna te kalpui a nih theih nan Nasha Mukt Bharat Abhiyaan Aizawl District Committee hnuaiah hian Sub-Committee hrang hrang pali (4) din a ni a.
1. Task Group sub-committee
2. Drug prevention in School & Colleges sub-committee
3. Sub-committee on Near Drug free village/Locality
4. Kohhran te nena sub-committee

Sub-Committee te hmalakna te leh hmachhawp hrang hrang te enhovin hun an hmang a ni.

College hrang hrang atangin Master Volunteers 50 thlanchhuah an ni a. Anni hi training te pawh pek tawh niin, an thalaipui te zingah ruihhlo hmansual that lohzia te zirtirin hun an hmang mek a ni.

 

- DIPR