Ticker

10/recent/ticker-posts

Aizawl-ah Bicycle Rally buatsaih



Aizawl | June 3, 2022:  Mizoram Sports and Youth Affairs Department leh NYK chuan tukin khan World Bicycle Day pualin Bicycle Rally a buatsaih.
Bicycle rally hi Azadi ka Amrit Mahotsav hmanna kal zel atan buatsaih a ni bawk.
 


Bicycle rally hi Vanapa Hall atangin tan a ni.



Vawiin khan World Bicycle day 2022 khawvel pumah hman a ni a. Mizoramah pawh he hun hi hman niin a lawmna lian ber chu Bicycle Rally huaihawtin tukin khan Aizawlah neih a ni a. Dr Lalrozama, Secretary Sports & Youth Services Department hova hman a ni.


Rally Flag Off programme hi Vana Pa hall kawtah neih a ni a. He Programme hi Dr Zirlianngura State NSS Officer in a kaihruai a, India ramin Independence a hmuh champha kum 75 (Amrit Mahotsav) lawmna kal zel atan a hmang an nih thu a sawi.


World Bicycle Day 2022 pual hian NYKS, NSS Mizoram leh Sports & Youth Services Department tangho buatsaihin Biclycle Rally chu Vana Pa hall kawt atangin Solomona Temple, Chawlhhmun thleng neih a ni a. Bicycle Rally-ah hian Mizoram Cycling Association atangin cyclist mi 60 vel an rawn tel thei a ni. Rally tawpna hmun Solomon Temple-ah hian programme tawi neih leh niin fuihna thusawi te pawh ngaihthlak a ni bawk.


World Bicycle Day 2022 puala Rally hi Aizawl leh Serchhipah te neih a ni a. District Capital dangah te pawh a remchan fan anga programme her danglama hman a ni.




Post i hmuh dan

Post a Comment

0 Comments