MSL 7 | Zarkawt BCA-in Chawnpui BC an hneh

Aizawl | June 21, 2022: Mizoram Super League (MSL) season 7 khelh mek chu nizan khan R Dengțhuama Indoor Stadium-ah khelh chhunzawm a ni a, Champion lai Zarkawt BCA chuan  Chawnpui BC 105-76 in an hneh.
 
PC Lala

Zanin dar 8:00 hian Khatla TBL leh Chanmari Vikings te an inhmachhawn leh ang.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Zarkawt BCA tan foreigner Joseph Frederick Allen (32 point) chuan inkhel bul tanin a thawhhlawk hle a, an chakna hnar pakhat a ni. Hnehna an channa kawngah Lalrina Renthlei (20 point), Aaron Varghese Blessen (14 point) leh Zonunsanga (12 point) te an thawhhlawk hle bawk. Zarkawt BCA hian khelh nga atangin point 9 an nei tawh a, table hmahruaitu an ni mek a ni.

Mizo hlanga khel Chawnpui BC tan R. Lalmuanpuia (19 point), Lallianmawia (19 point), Laltlanhlua (14 point) leh Vanlalhriatpuia (11 point) te thawhlawk hle mahse hnehna an chanpui thei lo. Chawnpui BC hian khelh nga atangin point 5 an nei tawh a, hneh anla nei lo.

Inkhel tan atangin Zarkawt BCA hian inkhel an thunun nghal a, first quarter-ah 27-16 a hnehna changin second quarter-ah pawh hmahruaitu annih chhunzawm a, 33-15 a hnehna changin chawlhlawk an hmang zui ta a ni.

Third quarter țan a ni a, Zarkawt BCA bawk chungnung zawkah țangin 22-19 in hnehna an chang zui leh bawk. Quarter hnungberah Zarkawt BCA chuan an zuam sual. Chawnpui BC erawh quarter tinah chaklo zawk ni mahse an inthlahdah ve mai lo. Hnehna chan ngei tumin annawr zui a,  An beih fan fan rah chu sengin quarter hnuhnungberah Chawnpui chuan 26-23 in hnehna chang mahse Chawnpui BC hian bul an țan țhat loh erawh an tuar a, Zarkawt BCA chuan 105-76 in hnehna an chang zui ta a ni.

STATISTCS -
Zarkawt BCA
Joseph Frederick Allen - 32 pts - 14 rebounds -3 assists.
Lalrina Renthlei - 20 pts - 1 rebound - 5 assists - 1 steal.
Aaron Varghese Blessen - 14 pts - 4 rebounds - 1 block - 1 assist - 1 steals.
Zonunsanga- 12 pts - 2 rebounds - 4 assists - 3 steals.

Chawnpui BC
R. Lalmuanpuia - 19 pts - 4 rebounds - 5 assists.
Lallianmawia - 19 pts - 3 rebounds - 4 assists.
Laltlanhlua - 14 pts - 2 rebounds - 1 assist.
Vanlalhriatpuia - 11 pts - 3 rebounds - 1 assist.

- With Input from Inkhel.com & MBBA

Post a Comment

0 Comments