Ticker

10/recent/ticker-posts

Mizo Inchai Tittle Fight 2022 atan ZONET leh MWA ten inremna an ziak; Mizo Inchai hmuhnawm November thla tirah

Aizawl | June 21, 2022: Mizo Inchai hunbi chhiar atana hun pawimawh vawiin khan a thleng a, Vawiin chhun dar 12:00 khan Zonet Cable TV leh Mizoram Wrestling Association te chuan Mizo Inchai Title Fight 2022 neih tur atan inremna an ziak.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Inremna thuthlung an inhlan | PC Lala

He hunah hian Zonet Cable TV aiawhin Director, LV Lalthantluanga'n hming ziakin Mizoram Wrestling Association aiawhin Mizo Inchai Title Fight 2022 Organising Committee Chairman Ngurthansanga'n inremnaah hming a ziah hnan bawk.

Inremnaa tarlan a nih danin Mizo Inchai Title Fight 2022, hi November 2 - 4chhunga neih tura ruahman niin Tittle Fight neihna hmun tur hi thutlukna siam ala ni lo.

Palian inchaia inhmachhawn tur: Lalsangliana leh Lalnunfela

Inremnaah hian MWA, Mizo Inchai Tittle Fight  Organising Committee chu tournament buatsaiha hmalatu a ni anga,  Zonet Cable TV lamin Mizo Inchai Title Fight 2022 buatsaihna turah player-te  lawmman zawng zawng  an tum dawn a ni. Commercial lam atanga hlawkna an hmuh an chang dawn bawk a ni.

Zonet hian Mizo Inchai Title Fight 2022 neih turah Pay Per View angin a TV Network-ah LIVE-in a pe chhuak anga, hemi kawnga senso zawng zawng pawh a tum vek dawn a.  Pay Per View atanga hlawkna awm hi Zonet hian 10% a chang dawn bawk a ni.


Mizo Inchai Title Fight 2022 khelhna hmun tur hi Mizoram Wrestling Association kutah awm dawn a, inkhelhna hmuna ticket lut te an kutah a lut dawn bawk a ni. Technical Officials te hlawh an tum anga a, Mizo Inchai Title Fight Technical kaihnawih thil zawng zawng an buaipui bawk ang.  Pay per view atanga hlawkna 90% chu player leh MWA ten an in sem  dawn bawk a ni. 

He hunah hian Zonet Cable TV Director, LV Lalthantluanga chuan, Zonet Cable TV chuan Mizo thalaite hmasawnna tur leh chawisanna hi kan tum ber a ni. Mizo inchai hi Mizo ta, kan traditional game a ni a, he infiamna hi Mizoten ropui taka kan chawimawi a ngai a ni, a ti.

 Mizo Inchai Title Fight 2022 organising chairman Ngurthansanga pawhin thu sawiin, Thil reng reng hmathlir lawk nei lo chuan hma a sawn theih loh. Mizoram State Sport Council atangin Sport chawi kanna atan sum kan dawng thin a. Hei hian he kan tittle fight neih tur hi a keng tel si lo. Zonet in Infiammite tan sum leh pai min chhawp chhuah sak hi a lawmawm tak zet a ni. Ruihhlo avangin nu leh pa te an rum thin a. Hetiang lama buai fate kan nei a nih chuan Wrestling hruaitute rawn kalpui rawh u, kan pui ang che u, a ti bawk. 


He hunah hian Mizo Inchai Tittle Fight a Palian champion lai Lalsangliana, Excise & Narcotics dept. leh a chotu Lalnunfela, Mizoram Police, Traffic Unit te chu  phochhuah a ni a. Palian tittle Belt kawl mektu Lalsangliana chua  a belt chu a kawl reng thu leh chu a tana a in puahchahna a that tawk thu a sawi.

Palian Challenger Lalnunfela pawhin champion lai Lalsangliana chu, hlauhna ka nei lo,  kawnghren a kawl hawh hi ka la let leh dawn, a ti bawk. 

Mizo Inchai Tittle fight a inchai turte:
Nute: 
Lalbiakdiki Serchhip Vs Lalvenhimi, Bethlehem Veng
Nulaihawl:
Elizabeth Rohlupuii, Mel riat Vs Zodinpuii Lunglei
Nulian:
Hmangaihsangi, Dilkhan(Saitual) Vs Lalsiamthari, E. Lungdar


Pate: 
B. Lalawmpuia, Thenzawl Vs Lalchhanhima Saitual 39AR ARTC&S 
Palaihawl: 
Remruatpuia Saitual Vs Lalmalsawma, Kolasib 
Palian:
Lalsangliana Excise & Narcotics Vs Lalnunfela, Mizoram Police Traffic Unit






Photo | PC Lala







Post i hmuh dan

Post a Comment

0 Comments