Mizo film en hlawh 'Ka U Liana' dan lova thehdarhtu man

• Runmawi  aṭanga Kar khat chhunga film hralh hnem ber a ni!


Aizawl | June 21, 2022: Mizo film ngaihven hlawh leh en hlawh May 29 zana tlangzarh 'Ka U Liana' chu dan lova thehdarh a ni a, ngawrh taka chhui a nih hnuah a thehdarhtu hi man a ni.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Pawi khawihtu hi kum 22 mi Lalremsiama, Bethlehem Vengthlang, Aizawl ami a ni a, thubuai siam sak nghal a ni.


Film siamtute leh a chhuah chhawnna OTT platform Runmawi App chuan cheng nuai 10 (Rs. 10 lakhs) chuang an hloh pha nia sawi a ni.

'Ka U Liana' hi Runmawi aṭanga feature film phochhuah zinga tlangzarh a nih aṭanga kar khat chhunga hralh chhuah hnem ber nihna a hauh a, kar khat chhungin mi sang nga chuangin an lei hman a ni.


Mi tam takin an ṭahpui, 'Ka u Liana' film hi Telegram lamah a darh tih hriat a ni a, a siamtu Zote Entertainment chuan hma an la nghalin, compaint an thehluh hnuah Mizoram Police te'n chak taka bawhzui niin pawi khawihtu chhuichhuah a ni ta a ni. 




Police Department chuan thuchhuah siamin,"Piracy hi dan bawhchhiatna, rei tak jail tan theihna a ni." an ti a.
Cyber Crime Police Station chuan rimtak leh ngun taka an chhui hnuah, 'Ka U Liana' tih film, pirated copy siama Telegram hmanga dan kalha lo thehdarhtu Lalremsiama (22), Bethlehem Vengthlang, Aizawl chu Information Technology (IT) Act leh Copyright Act bawhchhiat thubuaiah an man.


Mizoram Police chuan,  "Tualchhung artists leh film siamtute support tur leh an thil siam chhuahte humhalhpui turin mipuite kan sawm a, piracy kan beihna kawnga min thlawp tlat turin kan ngen bawk a ni." tiin thuchhuah  siamin an tarlang a ni.

1 comment:

  1. 'Nuai 10 chuang an hloh pha' tih lai hi dan lova theh darh vanga an sum chân tihna nge? An hlawk zia sawi nan an hlawh pha tihna zawk niang le aw... ka lo ti

    ReplyDelete

He post chungchanga i ngaihdan lo sawi ve rawh:

Powered by Blogger.