LAWM TURIN DUHTHLANNA SIAM RAWH

By Rick Warren 

— June 8, 2022

“A ni, ka lawm zel ang. Chu chu in mi tawngtaisakna avang leh Isua Krista Thlarau mi pek avangin ka chhandamna a lo ni dawn tih ka hre si a." Philippi 1:18-19

Thil a kal fuh lo deuh a nih pawhin, nangmah maiin chinfel tum suh. Thil kehsawm chu Pathian remkhawmtir zawk rawh.

Harsatna i tawk a nih chuan, duhthlan tur thil pahnih i nei: Pathian chibai i buk thei a, i lungngai thei bawk. Chu zawng chu a ni! Chu chu rinnaa ke penna pawimawh tak a ni.

Paulan Philippi 1:18-19, “A ni, ka lawm zel ang. Chu chu in mi tawngtaisakna avang leh Isua Krista Thlarau mi pek avangin ka chhandamna a lo ni dawn tih ka hre si a."

He lai Bible thu-ah hian, Paulan chakna thar lak dan, harsat lai pawha hlim taka awm dan te a sawi lang a ni.

Pakhatna, i harsatna chu Pathian thlirna mitin i thlir tur a ni. Paulan, “Ka hriat avangin. . .” Chu i hriat tlatna avang chuan a ti kal che a ni. Paulan harsatna karah pawh Pathianin hna a thawk reng tih a hria a, hun kalta a a harsatna te chu Pathian thlirna zau zawk a nei zel a ni.

Pahnihna, Paulan ṭawngṭai puitu a nei reng a, chu chuan a khalh kal a ni. Ringtupui ṭawngṭai saktu neih chu lawngleng nawr kaltu thli awm ang a ni. Beidawng lovin a kaltir zel thei che a ni.

Ti hian a sawi a, “Isua Krista Thlarau chuan min ṭanpuia.” Thlarau Thianghlim chuan Paula pawh a nawr kal a ni. Paula Thlarau nawr kaltu tho kha a ni nangmahah pawh Isua zuitu i nih theihna turin a ṭanpui che a ni.

A tawpah chuan, heti hian a sawi, “Hei hian min la hruai chhuak ang.” Paula chuan harsatna a tawh aṭangin Pathianin hna a thawk anga, thil ṭha zawk a chhuak ang tih a ring a ni. Eng duhthlanna pawh siam la, Pathian chuan hna ṭha a thawk dawn a ni. Mahse rinnaa i ṭhanlen a duh ve thung a, Pathianin a ti thei ang tih i rina, i lantir a ngai thung a ni.

A chhan chu Pathian rilru a put tlat avangin, ṭhianho ṭawngṭaina te, Thlarau Thianghlim leh, rinna avangin Paulan "lawm zel" a thlang a ni.

Lawm zel turin duhthlanna siam ang che.

Ngaihtuah zui atan

* Harsatna kara Pathian chibai buk hi eng ang nge nia i hriat?

* Ṭawngṭaipui tur che tunge i neih? Thlarau lama i ṭhan theihna turin rinawm taka ṭawngṭaipui tur tunge i neih?

* Tuna harsatna i tawh mek kha han ngaihtuah teh. Tuarna karah Pathian hnathawh engtin nge i lo hmuh tawh ṭhin? He i thil tawn aṭang hian nangmahah leh nangmah kaltlang hian Pathian hnathawh engtin nge i beisei?

[Lettu: Sangpuia]