9th Mizoram Inter School Chess Championship ropui taka zawhfel a ni ta!

Chess infiamna hi mitin ban phak, hautak si lo a ni a. Thluak tahhriam leh sawizawi nana infiamna tangkai tak a ni. - K Vanlalvena

Aizawl | June 9, 2022: Mizo Zirlai Pawl (MZP) general headquarters leh Mizoram Chess Association (MCA) ṭangdunin an buatsaih 9th Mizoram Inter School Chess Championship chu nimin leh vawiin khan Synod Conference Centre, Aizawl-ah neih a ni a, St Paul's Higher Secondary School an thiam ber!

HSS leh HS ah St. Paul's HSS pakhatna an ni a, Middle School-ah Rosebud School niin, Primary School-ah Mary Mount School pakhatna an ni bawk.

Kharna inkhawm hi Mizoram Rajya Sabha Member of Parliament K Vanlalvena'n khuallian niin a hmanpui a, MZP vice president Andrew F Lalramnghaka'n a kaihruai.

9th Mizoram Inter School Chess Championship-ah hian Primary School, Middle School, High School leh Higher Secondary School huangah te zirlaite'n inelna an hmachhawn a ni.

He intihsiakah hian Sikul 23 aṭangin zirlai 397 an tel a ni.

Khuallian K Vanlalvena chuan, Chess chu thluak sawizawina atan a ṭhat thu sawiin, zirlai kallkhawmte chu mahni thluak sawizawina atana chess khelh uar deuh deuh turin a chah a, infiamna dang aiin sum sen a tlem thu leh inhliamna tur a awm ve loh thu a sawi bawk.

Zirlaite chu mahni dinchhuahna atan tu mahin min dal thei lo, tia chahin kan thluak kan sawizawi dan leh kan tumruh danah kan hlawhtlin leh hlawhtlin loh a innghat, a ti bawk.

"Hlawhtling tur hian vun rawng leh hmel a pawimawh lo, thluak hmang thiam thiam an hlawhtling, a ti a. "Thluak tuaihriamna atan chess hi a pawimawh," a ti bawk.

He hunah hian khuallian Pu K. Vanlalvena chuan thu sawiin, "Chess infiamna hi mitin ban phak, hautak si lo a ni a. Thluak tahhriam leh sawizawi nana infiamna tangkai tak a ni. Zirlai ten kan zirlai tibuai si loa, kan uar deuh deuh a ṭha hle ang. Chess hi infiamna thianghlim tak a ni" a ti. 

Pu Vena chuan, "Hlawhtling turin tu pawhin theihna kan nei vek a, retheih leh hauhsakah a in ngat lo. Kan thluak kan hman danah hian a innghat thui em em zawk a ni." tiin zirlai kalkhawmte a fuih. 

Pu Lalnunmawia Pautu, MZP President pawhin thu sawiin, "Zirlaite karah inelna thianghlim a awm theih nan te, kan thluak hman dan kan thiam theih nan leh thluak sawizawi nan hetiang inelna hi buatsaih kan ni" a ti a. Zirlaite ram leh hnam tana mi tangkai ni turin duhsakna a hlan bawk. 

9th Inter-School Chess Championship, 2022 

TEAM RESULTS

*Primary Section

1 Mary Mount School

2 Rosebud School

3 Presbyterian English School Hnahlan

* Middle Section

1 Rosebud School

2 Mary Mount School

3 Govt. Middle School Reiek

* High School Section

1 St. Paul's HSS

2 Rosebud School

3 Holy Cross School, Thuampui

* Higher Secondary School Section

1 St. Paul's HSS

2 Helen Lowry HSS

3 Synod HSS

INDIVIDUAL FINAL RANKING

(Primary School Section)

Rank Name Class School

1 C Lalmuanzuala CL-IV St. Mary's School

2 Adela Zonuntluangi CL-III Mary Mount School

3 Pius Muanzuala CL-IV Mary Mount School

Middle School Section

Rank Name Class School

1 Thomas Remsangzuala CL-VIII English Congregation School

2 Johnson Zoremthara CL-VI Mary Mount School

3 Thlanglaldika CL-VII Rosebud School

High School Section

Rank Name Class School

1 R Lalhmangaihzuala CL-X St. Paul's Hss

2 Lalvensanga CL-X St. Paul's Hss

3 Johan Lalthansiama CL-X Zotlang Hs

Higher Secondary School Section

Rank Name Class School

1 Zodinpuia CL-XII Helen Lowry Hss

2 Nirvan Tongchaya CL-XII St. Paul's Hss

3 R Lallawmsanga CL-XII St. Paul's Hss