Aizawl | June 9, 2022: Mizoram a rock show lian ber ‘SE KÎ Inter Village Band Contest’ Season 2 chu June 23 hian ṭan a ni leh dawn ta!
Rimawi lam chikmite chuan Sekî kaltlang hian, "Hnam dang pawhin rimawi ngaina leh thiam ni a an chhal thin hnam, Mizo te hian eng chen in nge rimawi khawvel ah hma kan lo sawn tehreng tih kan hre leh thei dawn ta!" tiin an sawi!
Lawmman nuai 2 chuang zet sem ral na tur ‘SE KÎ’ hi Vanapa Hall-ah buatsaih a ni dawn a, LPS TV kaltlang a Live a pek chhuah tur a nih bakah a hmunah a duh apiang tan chhim theih tura buatsaih a ni.
‘SE KÎ’ inelna ah hian mahni khua emaw veng aiawh a chhuah theih niin, 2019 khan season 1 lo buatsaih tawh a ni. Under 19 category ah Chanmari West LC chu pakhatna an ni a. Open category ah Ramhlun South LC aiawh a chhuak ‘Mood Station’ band chu pakhatna an ni.
Ruahman dan chuan, 'SE KÎ' hi June 23 ah ṭan a ni ang a, July 5-ah top 5 inelna a ni ang a, July 8 ah a tawp khar tura ruahman a ni.
Eng khua/veng hi nge rimawi a sang ber tih Mizoram in a hre chak a. Mizo ten rimawi khawvel a hma kan sawn zel nan he lama tui ṭhalaite twl turin an sawm a ni.
Lawmman i lo thlir ang:
Open category:
1st Prize : Rs 1,00,000.00 + citation + trophy.
2nd Prize : Rs 30,000.00 + citation.
3rd Prize : Rs 20,000.00 + citation.
U-19 category:
1st Prize : Rs 25,000.00 + citation + trophy.
2nd Prize : Rs 15,000.00 + citation.
3rd Prize : Rs 10,000.00 + citation
Post a Comment
He post chungchanga i ngaihdan lo sawi ve rawh: