BASKETBALL | MSL 7 zan nganaah Zarkawt BCA thawm a ring!

Aizawl | June 7, 2022: Mizoram Basketball Association (MBBA) leh Zonet buatsaih Mzioram Super League season 7, (MSL 7) chu zanin khan R Dengṭhuama Indoor Stadium-ah khelh chhunzawm a ni a, Zarkawt BCA an thawm a ring!

Photo | PC Lala

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Zanin inkhelah hian  Zarkawt BCA leh Mission veng Hotshots te an intum a, a hun hma lamah chuan inhneh tawk viau angin lang mahse, hun tawp lamah Zarkawt BCA ze diktak a rawn lang a, 100 - 84 in an chak a ni.

Zarkawt BCA hi MSL 7-a point 100 score thei hmasa ber an ni!

Zanin inkhel hi Zarkawt BCA in hnehna chang mahse, point score hnem ber chu Mission Veng Hotshots player Joshua Aaron Keyes a ni a, ani hian point 42  a score a, a dawttu Zarkawt BCA player Lalrina Renthlei hian point 30 a score ve bawk a ni.

Statistics:

• Zarkawt BCA

√ Lalrina Renthlei - 30 pts - 4 rebounds - 6 assists - 3 steals.

√ Joseph Frederick Allen - 27 pts - 14 rebounds - 3 assists - 4 steals.

√ Zonunsanga - 22 pts - 6 rebounds - 2 assists.

• Mission Veng Hotshots

√ Joshua Aaron Keyes - 42 pts - 8 rebounds - 3 assists - 2 steals.

√ Lalrozama - 14 pts - 3 rebounds - 3 assists - 3 steals.

√ Zonunsanga - 12 pts - 3 rebounds - 1 assist - 4 steals.

Photo: PC Lala

MSL 7 ah hian team 6; Zarkawt BCA,  Chawnpui Basketball Club, Mission veng HOTSHOTS, Khatla TBL, Tuikual South Basketball Club, Chanmari VIKINGS.

MSL 7-ah hian He league a club-te  hi vawi hnih ṭheuh an inkhel kual ang.  Hei hi league match  tih a ni. 

Vawi Hnih  inkhelh chhuah vek  hnua  point hmu sang pali (4) in Play In an  khel  ang.  Chu inkhela chak  zawk  team-in Final (Best  of Three)  an khel ang.  Final-a chak  zawk team  chu MSL Champion an ni dawn a ni.

Relegation leh Promotion:

MSL 7 - League Match-a  point  hmu  hniam ber a relegate ang a, Pangana (5) a stay ang.

MBBA Division 1 Champion leh Runner Up te MSL ah an rawn kai thar ang.

MSL 7 aṭang hian Aizawl District pawn atanga MSl khel tur tan District Quata a awm dawn a. Hei hi District Team/Club ten an la khel dawn a ni.

Lawmman

MSL 7 ah hian Club tana  lawmman a ṭha hle a, champion hian cheng 2,20,000 an dawng ang a, 2na in cheng 1,10,000 an dawng ang a, 3na in 55,000 dawngin, 4na in 50,000 an dawng dawn a, 5na in cheng singli leh 6na in 35,000 an dawng dawn a ni.

Tin, hemi bakah hian Inkhelh ni apianga inkhel en man  pawisa tling khawm  atangin club-te’n  chan  an  nei thin dawn a ni.

FIXTURE