GOLD MEDALIST | MZU B.Sc Gold Medalist 2022 Lalparvuli

Mizoram University (MZU) Bachelor of Science (B.Sc) Gold Medalist 2022 Lalparvuli i lo belchiang ang.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Pari tia koh ṭhin Lalparvuli hi J Vanlalhruaia leh Lalngaihzuali te fa pathum zinga upa ber niin, December 2, 2002 khan a lo piang a. An unau hi hmeichhe pahnih leh mipa pakhat an ni.

Vaitin khua niin, Zirna avangin Zemabawk-ah in luahin an khawsa a, Mizoram UPC kohhrana lawi an ni.

Pari hian La phiar leh youtube a video en chu a nuam tih zawng a ni.

Pari hi B.Sc Botany honours (core) a ni a, Distinction-ah pass-in CGPA hi 9.64 niin B.Sc Gold Medalist a ni ta a ni. (A pass-na hi Percentage anga chhut chuan 96.4% a ni.)

Pari hi Golf Medalist a ni satliah lova, MZU 2022 UG Exam Result chhuaka mark hmu sang ber a ni a, Gold Medalist zingah pawh CGPA sang ber a ni.
MZU UG Result 2022 news HETAH a awm.


Pari'n EXPLORE MIZORAM zawhna a chhanna te i lo thlir ang.

• Zirna lam:
• Pawl 1-9 hi Convenant English School (C.E.S) ah ka kal a, pawl 10 hi Vaitin High School ah ka kal a, zirnaah Pakhatna emaw pahnihna ka ni tlangpui ṭhin a, Pawl 10 pass 2017 khan first ah ka pass.
• Pawl 12 hi Govt. Zemabawk Higher Secondary School ah ka zir a, 2019 ah Distinction ah ka pass a ni.
• B.Sc hi Govt. Zirtiri Residential Science College ah 2019-2022 chhungin ka zir a, Botany core-in, vanneihthlak takin CGPA 9.64 hmuin ka zo thei hlauh a ni.

# I lehkha zir dan?:
- Zing chaw ei kham aṭangin chhunah hian darkar 3 vel ka zir a, chuan,  zanah hian 11-12 pm vel thleng ka zir ṭhin.
Chumai bakah lehkha ka zir hma hian Bible ka chhiar phawt a, ṭawngṭaiin ka inhlan ṭhin.


📌 Harsatna I hmachhawn dan?
- Bible ka chhiar a,ka ṭawngṭai ṭhin

📌 Gold medalist i nihna (Subject) leh CGPA?
- B.Sc Botany a ni a, CGPA hi 9.64 a ni.

📌 Gold medalist ni tura i beih dan?
- Gold medalist nih hi ka inbeisei lo hrim hrim a, mahse, ka theihtawp a ka beih ve na leh Pathian leh ka chhungte min thlawpna zarah hetiang dinhmun hi ka lo thleng thei a ni.

📌 Gold medalist ni tura i beihnaah faculty lamin an ṭawiawm/pui ṭha chein i hria em?
- A hranpa tak hi chuan min pui lo a, mahse, class ah hian teaching leh notes velah hian an theihtawp min chhuahpui.

📌 I zirna atana i chhungte pawimawhna:
- Ka chhungte hian ka zirna kawng engkimah hian min support ṭha em em a, lehkha ka zir duh phawt chuan eng ah mah hian min phut ngai lo hrim hrim a, ka ni hian ka zirna kawng tam tak ah min pui ve bawk a ni.

📌 I zirna atana i ṭhiante pawimawhna:
-Kan hriatthiam loh te kan inhrilh tawn a, kawng hrang hrang ah kan inpui ve ṭhin.

📌 COVID-19 leh Lockdown in i zirnaa nghawng a neih dan:
- Online a class kal a ngaih avangin kan in net a chhe thei em em a, chuvang chuan explanation tam tak hi ka hriat loh phah fo ṭhin a, ka zirna kawng tam takah ka inthlahdah phah ve deuh ṭhin.


I duhzawng leh ngainat zawngte:
• Rawng - A sen no
• Chawhmeh  - Alu leh dal

📌 Mize ngainat zawng:
-Zaidam  leh zezawi,

📌 Mize ngai nat loh zawng:
- Thinchhia, mi vin vak vak ṭhin te leh chapo.



Zawhna dang:::
1. A tel lova i awm theih loh: Ka chhungte

2. I nun kaihruaitu: Ka nu leh pa te

3. Hringnuna i hlauh ber:
- Ka nu leh pa te rilru tina tu leh an mittui titla tu nih hi hringnun a ka thil hlauh ber ani

4. I tih ngai miah loh tur:
- Drugs leh ruihtheihthil chi hrang hrang te

5. Mizo Tualzal nuna ṭha i tih:
- Chhiatni ṭhatni a kan in lungngaihpui leh kan in hlimpui ṭhin hi ṭha ka ti

6.  Quote i duh ber:
- Thufingte 22:4-Inngaihtlawmna leh Lalpa ṭih man chu sum te, chawimawina te, nunna te a ni.

7. Mizoram leh Mizo tualzal nuna Mizo hmeichhiate dinhmun:
- Hmanlai aiin tunlai hmeichhia te dinhmun hi a ṭha tawk viauin ka hria a,hmeichhia te dinhmun chawisan hi chhawm nung zel thei ila ka ti hle

8. Hnam hmingṭhat leh hmingchhiat kawngah Hmeichhiate'n mawhphurhna:
- Kan theihtawp kan chhuah a,nihna sang tak tak kan thlen theih te hnam hmingṭhat nana hmeichhia ten kan tih ve theih niin ka hria a. Hnam dang pasal neih hi hnam phatsan theihna leh hmingchhiat theihna anih avangin pasal thlan kawngah hian kan fimkhur a ṭul bawkin ka hria.

9. Hnam ziarang chawinun kawnga Hmeichhiate mawhphurna:
- Kan Mizo thuam incheina leh lam te hi zahpui lo a, uar sauh sauh.

10. Mizote tan 'Fa neih tlem' inzirtir hi a ṭulin i hria em?
- Mizo te hi hnam tlemte chauh kannih avangin fa neih tlem in zirtir hi a ṭulin ka hre lo.


11. Mizo hnam ṭhanmawh bawk nia i hriat?
- Eirukna leh drugs leh ruihtheihthil chi hrang hrang kan hnawl ngamloh ṭhinna hi Mizo hnam ṭhanmawh bawkna niin ka hria.

12. Mizo hnam damna atana  kawng awm nia i hriatte?
-Eng hna pawh, a hniam ber aṭang a asang ber kan lo thawk emaw kan zirna kawngah pawh nise Pathian hre reng ila, rinawm tak leh eirukna te dodal zel te hi Mizo hnam damna kawng niin ka hria.

14. Zirna, Khawtlang leh Kohhran hi?
- Zirlai hmachhawp neite tan chuan Khawtlang leh kohhran a active tak a inhman reng te hi thil harsa tak a ni a, mahse, thlahtlam tawp erawh a ṭha lo.

15. Khawtlang, Kohhran leh nangmah:
- Ka zirna avangin khawtlang leh kohhran ah hian active hi harsa ka ti em em a, chutih rual erawh chuan khawtlang leh kohhran a active tak tak te hi ka ngaisang em em a, kei pawh nakin hun zelah chuan ka theihtawp a la inhman ve ka tum.

16. Social Media leh Nangmah:
Social media hi ka khawih ve nual a, chutih rual erawh chuan ka zirlai min tibuai thei tur khawpin ka hmang ngai lo.

17. Mizoram ṭhalai tam tak tlakchham:
- Insumtheihna hi kan tlakchham ber niin ka hria

18. Mizo ṭhalaite hian ngaihsan tur dik an ngaisangin i hria em?
- Mizo ṭhalai te hian ngaihsan tur dik kan ngaisangin ka hre lo.

19. Ngaihsan tur dik nia i hriat:
- Mi taima leh mi rinawm, Pathian ṭih mi te leh kan nun a ṭha lam a min fuih thei tu tur te.

20. Hlawhtlinna tura pawimawh:
- Beidawng lo a beih hram hram na leh nu leh pa thuawih na te hi hlawhtlina rahbi pawimawh tak te an ni.

21. hloh i hlauh ber:
- Ka nu leh pa leh ka chhungkua.

23. Nupui pasal inneih hmaa mipat hmeichhiatna hman hi?
- Ṭha ka tilo em em a, Pathian thuawih lohna a nih mai bakah hmeichhia te tan phei chuan kan hlutna leh zahawmna tibo theitu a nih avangin nupui pasal inneih hma in mipat hmeichhiatna hmang lo hram hram ang u.

I thalaipuite tan fuihna:
- A hmasa berah Pathian hre rengin, kan duh zawng te ṭawngṭaina nen dil ṭhin ila, kan lei Pathian kan nu leh pa te thuawih tum zel ila, eng pawh ti ila vawi khatnaah kan hlawhtlin nghal mai loh pawn, beidawng lo in bei nawn zel ang u.

EXPLOREMIZORAM.COM i hmuh dan:
- EXPLOREMIZORAM.COM hi hmun hrang hrang a Mizo ṭhalai talent nei ṭha tak tak leh mi fing tak tak te kan hmuh theih tura min chhawpchhuahsak tu a ni a, ṭha ka ti em em a ni.



[News update awlsam taka i dawn theih nan telegram channel hi lo join ve ta che https://t.me/exploremizoramchannel ]






Founder/Editor


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post