MIZORAM UNIVERSITY UNDER GRADUATE LEH PROFESSIONAL COURSE RESULT CHHUAK

Zirlai 86.80% an pass!


Aizawl | June 22, 2022: Examinations Department, Mizoram University chuan tukin (June 22, 2022 Nilaini) zing dar 8:00am  khan Mizoram University hnuaia Undergraduate (BA/B.Sc/B.Com/B.Sc(Home Science) leh Professional  Course thenkhat BCA, MCA, BSW leh BBA Result a tichhuak.




Undergraduate Final Exam ah hian Zirlai 4819 in Exam an hmachhawn a, zirlai 4183 te chuan  hlawhtlinna an chang a, Pass Percentage hi 86.80% a ni. 
• Bachelor of Arts ah Exam zawng zawng – 4017, pass zat 3437 anni a, Pass Percent 85.56% 
• Bachelor of Science ah Exam zawng zawng – 540, pass zat 493 an ni a, Pass Percent 91.30% 
• Bachelor of Commerce ah Exam zawng zawng – 244, pass zat 235 an ni a, Pass Percent 96.31% 
• Bachelor of Science (Home Science) ah Exam zawng zawng – 18, pass zat18 an ni a, Pass Percent 100% 

Arts Stream ah hian Govt. Zawlnuam College leh Helen Lowry College atangin zirlai exam zawng  zawng ten an Pass vek a, Govt, Zawlnuam College atang hian Zirlai 8 leh, Helen Lowry College atangin zirlai  15 in exam an bei thung. 

Science stream bikah Pachhunga University College in an tithaber a, zirlai 259 ah 244 in an pass a, za zela 94.21% in an pass a ni. 
Commerce ah Govt. J. Buana College, HATIM, Helen Lowry College leh St. Xaviers’ College atangin  Candidate an pass vek bawk. 


Gold Medalist: 
Kumin Result chhuakah hian Lalruatsanga, Pachhunga University College a BA zirlai chu Grade hmu sang ber a ni a, Cummulative Grade Point Average (CGPA) 9.38 hmu in Gold Medalist a ni a, Economics Honours Subject la a ni. 
B.Sc. Zirlai zingah Lalparvuli, Govt. Zirtiri Residential Science College zirlai chu CGPA hmu sang ber a ni a, ani hian 9.64 a hmu a, BSc Gold Medalist a puan ani a, ani hi Botany subject Honours a ni.
Commerce subject bikah Lalmalsawmi, Govt. Hrangbana College in CGPA hmu sang ber a, 9.11  hmu in Gold Medalist a ni a, Lalremkimi, Govt. Zirtiri Residential Science College chu Home Science a Gold Medalist niin CGPA 8.60 a hmu bawk. 

Heng bakah hian Subject hranghranga Topper (Book Prize Award Winner) te chu: 
1. English - Ruth C. Lalremsangi, HATIM 
2. Mizo - C. Lalhunmawia, Govt. Hrangbana College 
3. Hindi - Lalrindiki, Govt. Aizawl College 
4. Education - Vanlalrinpuii, Pachhunga University College 
5. Geography - Lalhmingsangi, Govt. Hrangbana College 
6. History - Lalrinhlui, Pachhunga University College 
7. Sociology - Lalbuatsaiha Khalthang, Govt. T. Romana College 
8. Political Science - Amos Vanlaltleipuia, Govt. Hrangbana College 
9. Psychology - Lallawmkimi, Pachhunga University College 
10. Economics - Lalruatsanga, Pachhunga University College 
11. Philosophy - Brendon Lalramnghaka Khiangte, Pachhunga University College 
12. Public Administration – K. Lalmalsawmi, Pachhunga University College 
13. Mathematics (arts) – Lalrosangi, Pachhunga University College 
14. Physics - David Lalhruaichhuaha, Pachhunga University College 
15. Chemistry - R. Lalruatsangi, Pachhunga University College 
16. Mathematics - Vanlalvenpuia, Pachhunga University College 
17. Zoology - Lalhmangaihmawia Hnamte, Pachhunga University College 
18. Botany - Lalparvuli, Govt. ZirtiriResdl. Science College 
19. Geology - C. Zothansanga, Pachhunga University College 
20. Statistics - Vanlalhmangaihi, Pachhunga University College 
21. Environmental Science – Lalruatfeli Fanai, Pachhunga University College 
22. Biotechnology - Remalle Ruth Blessy, Pachhunga University College 
23. Electronics - John Lalmuanpuia, Govt. ZirtiriResdl. Science College 
24. Commernce - Lalmalsawmi, Govt. Hrangbana College 
25. Home Science - Lalremkimi, Govt. ZirtiriResdl. Science College


Final Result bakah hian 2nd & 4th semester result chhuah a ni bawk a, 2nd semester ah hian zirlai 7744 
Exam zingah 7528 in an pass a, pass Percent chu 97.21% a ni a, 4th Semester ah chuan zirlai 6857 ah 6732  in an pass a, za zela 98.18 in hlawhtlinna an chang bawk.


Professional Course: 
Mizoram University chuan Professional Course thenkhat – Bachelor of Computer Applications(BCA) Master  of Computer Applications(BCA), Bachelor of Social Work (BSW), Bachelor of Bossiness Administration (BBA)  result a tichhuak bawk a ni, 
- MCA ah hian zirlai 28 an awm a, an vaiin an pass vek a, Alvin K. Lalrintluanga chu Gold Medalist niin  CGPA 9.21 a score a. 
- BBA ah zirlai 49 awm in 45 an pass a, pass percentage hi za zela 91.83 a ni a, Ch Lalramzuavi,  Pachhunga University College chu Gold Medalist a ni a, CGPA 8.49 a hmu a ni. 
- BSW ah candidate 35 ah 35 an pass a, za a za an pass a, Tanihsa, Devine Mercy College chu Gold 
medallist niin mark 76.67% a hmu a ni. 
Prof. Lalnuntluanga, Controller of Examinations Mizoram University chuan kuminah hun reilote chhunga result peih theih anih chu lawmawm a tih thu a sawi a. Zirlai hlawhtlinna chang ta te a lawmpuithu sawiin, ram leh hnam tana an thiamnate chhenfakawm taka hmang turin duhsakna a hlan a, hlawhtlinna la change rih lote pawh hun lo kal leh tur atana inbuatsaihna tha zawk nena exam hmachhawn turin a chah bawk a ni. 

Prof Lalnuntluanga chuan Mizoram College Principal leh zirtirtute hnenah lawmthu a sawi a, an tawiawmna avanga a hun taka Paper check an zo thei chu University mai bakah zirlai ten hmundanga admission zawnna 
kawnga harsatna sukiangtu a ni tihsawiin hun lo kal leh zel torah pawh an tawiawmna a ngen a ni. 
Prof. Lalnuntluanga chuan Mizoram University Examinations Department a thawktu Officer leh Staff te 
chungah an inpekna leh thawhrimna ah lawmthu a sawi bawk a ni. 
University exam tluangtaka neih anih theihna tura Mizo mipuite inpekna leh Pathian hruaina ah lawmthu a 
sawi bawk.

Post a Comment

0 Comments