Central YMA in Silchar-a Mizo tui lian tuarte tanpui

Aizawl | June 23, 2022:  Tunhnaia ruah súr nasat avanga Silchar leh a chhehvela tuilianin nasa taka harsatna a thlen mekah Silchar-a Mizo engemaw zat chu tuilian in a dan beh, eitur pawh tlachham tawh chesawn thei tawh lo an awm teuh thu chu Ni 21.6.2022 (Tue.) zan dar 10:00 vel khan Silchar Branch YMA President in Central YMA hruaitute hnena a thlen chu Central YMA hruaituten hmalak dan tur ngaihtuah nghalin nimin khan Sawrkar lam hotute hnenah thlen nghalin hma an la nghal a. Sawrkar in Lawngleng engine nei pahnih Bairabi a mi phur in Silchar lam an panpui nghal a. CYMA pawh in an mamawh an rawn sawi angin Life Jacket 15 a thawn thla nghal bawk.

Thudawnnain a tarlan danin, Vawiin Ni 23.6.2022 khan Central YMA chuan Mizo unaute Silchar-a tuilian tuar mek te ei leh in bakah an mamawha hman atan, tun hnaiah thli leh ruah tuarte tanpuina YMA Member tena an thawhkhawm atangin sumfai Rs.25,000/- (Sínghnih sang nga) chu Silchar Branch hruaitute hnenah a thawn leh nghal bawk a ni.

Tuilian tuar mangangte tana Silchar Branch YMA hruaitute leh member-te inpekna leh thawhrimna fakawm an tih thu Central YMA hruaitute chuan an sawi bawk a ni.