Serchhip-ah a nupui sawisa hlum!


Aizawl | May 29, 2022: Vawiin tlai dar 3 vel khan Serchhip Dinthar Veng a mi Rosangzuali(28) chu a pasal Zobiaksanga(35) chuan anmahni Inluah ah a sawisa hlum.


Serchhip Times in a tarlan danin, Police investigation a kal mek a ni.

Serchhip Times tarlan danin, An inchhung hmun hrang hrang, Chhuat, bang, khum leh an verandah ah te thi a per kai nasa hle.

Rosangzuali hi an Bed Room khum bul chhuatah thi in a lo mu zangthal a, a ka leh hnar atangin thisen a chhuak nasa hle.



SERCHIP AH TUALTHAHNA RAPTHLAK TAK A THLENG*
- Serchhip Times

Vawiin(29th May 2022 Pathianni) tlai dar 3 khan Serchhip Dinthar Veng a mi Zobiaksanga(34) chuan a nupui Rosangzuali chu anmahni chenna inah nasa taka sawisa in a that zui nghal ni a hriat a ni a, a hnar leh a ka, a tukhum atang te in thisen a chhuak nasa hle. Serchhip Police te tualthahna hmunah rang taka thleng nghalin Zobiaksanga hi an man nghal a, Serchhip mipui thahnem tak tualthahna kawtah hian pungkhawm nghalin thil duhawmlo thleng zui erawh a awm rih lo.

Zobiaksanga leh Rosangzuali te hi kum 2020 khan inneiin fa 2, mipa kum 3 mi leh hmeichhia thla 6 mi an nei tawh a, Serchhip Dinthar Veng a a pa te In sak thar hnuai luahin tunhnai khan an indang ve a, an indanna pawh hi chawlhkar hnih vel awrh niin Zobiaksanga pa Pu PC Vanlalawia chuan a sawi. 
Zobiaksanga te chhungkua hi Serchhip Dinthar Presbyterian Kohhran ah an lawi a, tunlai hian Speaker ruaiin Crusade an nei thin a, vawiin chawhma pawh khan a nupui Rosangzuali chu a la inkhawm nghe nghe.

Vawiin tlai dar 3 vel khan Zobiaksanga hian inchunga a nau mipa rawlthar chu phone a kovin an ina lochhuk thuai turin a hrilh a, a nau hi inhnuaia a zu chhuk chuan Rosangzuali hi Bedroom a an khum bulah zangthal zawngin a lo hmu a, a ka, a hnar leh a tukhum atangin thisen a chhuak nasa hle a, a mar pawh a lo awm tawh lova, a pasal Zobiaksanga chuan a lo bawihsawm mek a, a sirah chuan an fate pahnih chu tap tuar tuar chungin an lo awm bawk a.

Hemi hnu hian Zobiaksanga nau chu rangtaka tlanchhuakin a nu leh a pa inkhawm pun turin Biak In lam panin a tlan thla nghal a(an In atang hian BiakIn a hla lutuk lo), BiakIn a thlen chuan an lo bang hman chiah chiah a, thil awmdan chu a pa Pu Vanlalawia hrilhin an chho nghal a, thenawm khawveng leh a hria apiang an lo tlankhawm zui nghal bawk a. Police te hrilh thuai an niin an ni pawh OC Pu Eric-a hovin an lothleng nghal a, Zobiaksanga pawh an la nghal a ni.

Zobiaksanga te inchhungah hian thisen a per darh nasa hle a, an choka chhuat ah te, an pindan bang leh purdah zar ah te, an verandah thlanglam kawngka ah te, an verandah chhuat ah te leh Bedroom a an nupa khum ah te thisen hi a kai nuaih hlawm a ni.
Zobiaksanga hi ruihtheih thil chihrang hrang, Zu Drugs leh Dendride thlenga ti thin niin a thenawm khawveng te chuan an sawi.

Post a Comment

0 Comments