Phone zuar rukru nia rinhlelh man; A hnen aṭangin cheng nuai khat chuang man hu thil hmu let!

Aizawl | May 1, 2022: Lunglei bazara mobile phone zuar pakhat chu Lunglei Police ten April 29 khan rinhlelh thil thuah an la a, uluk taka dawp leh CCTV footage Thenzawl PS ten an thawndarh hmang tea chhui a nih hnuah Thenzawl PS a thubuai ziah luh a inhnamhnawih ngei a ni tih hriatchhuah a ni.


Mizoram Police in an tarlan danin, he pawikhawihtu man tak hi Laltanpuia(26) s/o Dangliana, Ratu khua, kar hnih liamtaa Thenzawl PS-a thubuai ziah luha inhnamhnawih a ni.


A hnen atang hian mobile phone ruk pasarih, accessories leh cosmetic thil, a vaiin Rs 1,86,548/- man hu hmuh let a ni bawk.

He rukru nia rin hi Thenzawl PS ten man nghalin, CJM Serchhip hnenah judicial remand tura hruai a ni.

"Rukru man chhuah hi kan hna pawimawh zinga mi a ni a, hemi kawngah hian tunlai thiamna hman tangkai thiam pawh a pawimawh hle," tiin Mizoram Police chuan instagram post ah an tarlang.

Post a Comment

0 Comments