Laldingliana thihna chungchanga Vaphai VC leh NGO thuchhuah

Aizawl | May 1, 2022:  Vaphai VC leh NGO hrang hrang te chuan nimin khan Joint Meeting neiin, March ni 20, 2022 a Pu Laldinglianan kut a tawrh chungchang leh March ni 29 a a boral zui tak chungchangah thuchhuah siamin Zoram mipui hriat atana an duhte an tar lang.




Thuchhuah chuan, Kha thil thlenna hmun kha Vaphai khaw thar a nih vangin khawchhung atangin a hla deuh hlek a, chubakah zu inna hmuna thleng a nih avangin a awm te khan an chhungte an hrilh lem loh hlawm avanga an lo hriat mai loh thu an tarlang a.

Pu Dingliana chhungten Facebook leh Youtube a chhuah turin kan pe lo ti chunga a lo chhuak leh ta tho chu an thinlung a nat thu sawiin, thu mu hnu sawi thar a, mimal hming lam meuha mahni hriat ang ang puangchhuaktu Youtuber leh Facebooker te an dem tak zet thu an sawi.
.
"Kan ngawih reng chhan hi kan chak loh vang a ni lova, kan sual vang a ni hek lo. Thudik kan sawi avanga mitthi chhungte leh lainate tihnatbelh kan hlauh vang a ni" tiin an thuchhuahah chuan an sawi.
.
Pu Laldingliana kutthlaktute an dem thu leh, thleng tawh lo se an duh thu sawiin, pawikhawihtute hi an phu tawk hremna hmu ngei se an duh thu an tarlang bawk.


- Madawnga Khiangte

Post a Comment

0 Comments