RALTHUAM LEH PUAK THEI THIL THAHNEM TAK MAN

Aizawl | May 1, 2022: Tukin zinglam dar 2:35 vel khan 2nd Bn. Assam Rifles, Aizawl te chuan Kelsih daiah dan lova ralthuam leh puakthei thil tam tham tak, motor pahnih a phurh an man tih an sawi.

Kulikawn PS team te chuan he thil hi rang taka bawhzuiin a hmunah hian an kal nghal a, thuhretute hmuh leh hriatpuina-in heng dan lova ralthuam leh puak thei thil an man te hi an enfiah nghal a, heng an thil man te hi-

(i) Gelatin box 55 (containing 200 sticks in each box)

(ii) Safety fuse 5, (2000 mtrs approx)

(iii) Silai (NBP arms) 8 

(a) 3 airguns, 

(b) 2 Nos. of Sporting Rifles

( c) 3 Nos. of 12 gauge shot guns leh a mu (.177) box 20 

Heng bungraw phurhna atana hman, TATA Yodha neitu leh a khalhtu ni bawk hi Pu Lalbiaktluanga (42) s/o Lalsangliana of Mualpui Bethel, Aizawl niin an tarlang.

Heng bakah hian Bolero Pickup truck, a neitu leh a khalhtu, Zoremsanga (42) s/o C. Thangkima, Tlangnuam West, Aizawl hnen atang in-

(i) Gelatin box 65 (200 sticks in each boxes) 

(ii) Gun powder box 4 (25kgs approx. each) an man bawk.

Heng ralthuam leh puak thei thil phurtu leh lirthei neitu an man te hian heti ang bungraw phurh theihna leh phalna (any explosive/arms license) engmah an nei lo a ni.

He thil chhuizuina kal zelah midang pahnih Laldinpuia (24) s/o Lalremsiama (L) of Mualpui Bethel, Aizawl leh Lalruattluanga (24) s/o Lalropuia of Tlangnuam West, Aizawl te pawh he thilah hian an inhnamhnawih ni a tarlan a ni.

Heng mi, rinhlelh pali te hi man nghal niin Kulikawn PS-ah Case no. 40/2022 dated 1.5.2022 u/s 9-B (1)(b)/ 5 Explosive Act r/w 5 Explosive Substance Act r/w 25 (1-B) (a) Arms Act te hmangin thubuai siam sak an ni.

He thil thleng avang hian he thila inhnamhnawih leh he thil kal dan hi uluk zawk a chhui zui nghal mek a ni.

- Kiddy Vanchhawng | MSR