Aizawl | May 26, 2022: Mizorama cham mek sorkar laipuia Minister of State for Railways and Textiles, Pi Darshana Jardosh-i'n vawiin khan Chawilung-ah mulberry leh eri chingtute a kawm.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Pi Jardosh-i chuan Chawilunga silk pangang khawi chu khawvelin a ngaihsan silk a ni tih hriain, silk hmangin khawvel tukverh an chuang chhuak thei a ni tih inhre turin a chah a. Silk industry tihhmasawnnan Ministry of Textiles chuan cheng Nuai 700 chuang Mizoram sawrkar pe turin ruahmanna a siam a, Chawilung khua hi Sericulture Village a nih theihnan Mizoram Sericulture Secretary hriatpuinain hmalak a ni dawn tih a tarlang bawk a ni. Intodelh India scheme chu Chawilung khua hian a chhim phak dawn a, mitin ham thatna thlen chu India ram sawrkar tum a ni a ti.
Chawilung khua hian an khaw hmasawnnan an mamawh hrang hrang- Sericulture Link Road, Solar pump, Solar light, Health Sub-Centre, Hmuifang leh Baktawng inkar kawng National Highway a puan te, school class 10 thleng zirna an neih theih nana hmalakpui turin an ngen a ni.
Chawilung VCP Pu R. Zoliana leh Sericulture Department hotuten Union Minister hi an lo dawngsawng a. Pi Darshana Jardosh-i chuan a mulberry leh eri chingtute huanah kalin, a hmunah a enpui a ni. Chawilung-ah hian Mulberry leh eri chingtu intel khawm chhungkaw 25 an awm a, chhungkaw khat hian tin khat hmun vel ching teuh ang an ni.
Post a Comment
He post chungchanga i ngaihdan lo sawi ve rawh: