Central YLA in doctor sawn chhuah order sut tura sorkar an nawrnain rah duhawm la chhuah lo!

• SERCHHIP: Aiawh dah hma chu doctor sawn remti lo!


Aizawl | May 26, 2022: Lawngtlai leh Bungtlang South a Doctor dah belh leh sawnchhuahna Order suttur a Central YLA bultuma Sorkar nawrna kalmek ah, Central YLA hruaitute chuan mipui tan lungawina tur Sorkar hmalakna ah an la hmulo tih an sawi.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

Nimin atang khan Lawngtlai leh Bungtlang South ah Sorkar office, Bank leh Zirna In te khar niin, vawiin hian chhunzawm a ni a, vawiin khan MNF General Hqrs Aizawl a Adviser Prof. LH Chhuanawma chuan Central YLA hruaitute hmuin, Health Minister in Picketing tihtawp tur a ngen thute, Lawngtlai District in a mamawh anga Doctor dah chu tun maiah tihhlawhtlin harsa a nih vangin, ngaihpawimawh hmasak ah Sorkar in a neihtur thu te Central YLA hruaitute hi a hrilh a, Health Minister atanga ngenna an dawng chu lawmawm an tih thu Central YLA hruaitute chuan sawiin, tun dinhmun ah mipui tan lungawina leh thlamuanna tur an hmulo tih sawiin, an thilphutte tihhlawhtlin a nih hma chuan Sorkar an nawrna chu tawpsan an tumloh thu Prof LH Chhuanawma hi an hrilh.
Central YLA hian District Hospital, Lawngtlai ah Specialist Doctor dahbelh tur leh Bungtlang South ah Doctor dah turin Sorkar an lo ngen tawh thin a, tun thla ni 20 khan District Hospital Lawngtlai a Doctor pahnih chu sawn an ni a, a hnu ni 23 ah Doctor dang pahnih sawnchhuah leh niin, Doctor dang pathum District Hospital ah hian sawnluh an ni a, nimin ni 25 khan ni 20 a Doctor pahnih sawnchhuahna Order chu sut niin, Doctor pakhat sawnluhna Order suttel a ni bawk a. Vawiin khan Bungtlang South ah Doctor dahna tur order Sorkar chuan a tichhuak leh bawk.
Central YLA hruaitute chuan Sorkar thiltihdan ah lungawina tur an hmulo tih sawiin, a tul anga nawr chhunzawmzel an tum thu an sawi.

Hetihlai hian, tun hnaia Mizoram sawrkarin Doctor a sawn kualnaah Serchhip District Hospital-a thawk lai 2 sawnchhuah an ni a. Hemi chungchangah hian an lungawiloh thu Serchhip NGO Coordination Committee chuan an sawi a, Doctor sawn chhuah tur  2 zinga pakhat zawk chu a aiawh dah hma chu chhuak lo se, thu leh awm hma a la awm rih tura tih Gynaecologist pawh thu leh awm hma atan chauh awm lovin nghet takin awm zui se an ti a,



Vawiin khan Serchhip Thalai Pawl chuan hemi chungchangah hian thuchhuah siamin NGO Coordination Committee hmalakna hi a tawp thlengin an thlawp tlat dawn tih an sawi a, Mizoram District Hospital hrang hranga Doctor-te rualkhai zawka insemzai hi a tul takzeta an hriat thu sawiin, Doctor transfer & posting order tihchhuah apianga lungawi lohna thawm hriat tur awm thin chu Doctor transfer & posting kalphung mumal awm loh vang niin an ngai anti a ni. 

District hospital tinah specialist doctor post nghet siam chu thil tul hmasa an ti a, hei bakah hian Department danga officer-ten transfer & posting kalphung mumal tak an neih ang hian Doctor transfer & posting chungchangah pawh hian kalphung mumal tak neih hi thingtlang mipuite leh doctor tam takte harsatna sutkianna tur niin a lang a ni an ni.



- AIR News Aizawl

Post a Comment

He post chungchanga i ngaihdan lo sawi ve rawh:

Previous Post Next Post