MIZO NGEI CS ATAN!

- Michael Lalmanzuala

1. CS in MIZO tawng Thiam se kan tih chuan enga ti nge official languagea MIZO tawng kan hman duh si lohva, keimahni NGEI pawhin file ah saptawng vek kan hman?

2. Kan ministerte zingah saptawng Thiam an awm loh chuan file an khawih ve ngai lo tihna em ni?

3. SEPARATE Cadre kan neih chuan kum tin 50% hnamdang kan neih a ngai tih kan hria em?

4. MIZO tling kan awm loh chuan  100% hnamdang kan nei thin dawn tih kan hria em?

5. Thil pawimawh inchuh a awm chuan CHAWMHLAWM ai chuan, CHAWMHLAWMTU chu a chak zawk fo thin tih hriat a tha.

6. Tuna IAS hnamdang, DC pawh lo ni tawh te kha, kan Mizo pui te aia hnathawk tha an ni nual ang. Kannan Gopinathan, Muthama, Arun T, Bupen leh Ashish Kundra te. Revd Chuauthuama pawhin an chan chin Vanglaini ah a rawn ziah te pawh an awm kha. Transfer sut leh tur a ngen te pawh an awm bawk. 

7. Tuna Mizo IAS officer 2/3 te hi kum 1/2 chhungin an retire dawn. Kum 10 chhung gap a awm dawna, chu mi chhung chuan engtin nge kan tih dawn?

8. India Independent khan hnam hrang hrang Lalropui tak tak zawmkhawmin hnam khatah an siam a. Saldar Vallabhbhai Patel thahnemngaihna a zarah hnam pakhatah kan insiam thei a ni. Fing taka inrelbawl zui loh chuan darsarh leh huk thei kan ni a. Chu mi ven nan chuan 'ALL INDIA SERVICES' kha tihmakmawh ah an ngai a, Constitution ah ngei khan an lo beh tir ta a ni. Chutiang khawp a ram leh hnam humhalh that nana thil pawimawh chu helaia thliarkar rilru te tak te nena politics nana hman chi a ni lo, a hlauhawm lutuk.

9. DAWTSAWI CENTENARY lawm thuaia, DAWTSAWI bansan hmak a hun tawh tih hriat tur.