Ticker

10/recent/ticker-posts

CS pisa kai tur dan tum ṭhulh!

Aizawl | May 30, 2022: Naktuk NGO Co Ordination committee in Chief secretary pisa kai tur dan an tum chu an ṭhulh.

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


Naktuk ni 31.5.2022 Thawhlehni zing dar 8:30am a Mizoram Chief Secretary Pisa kai tur dang tura ruahmanna lo siam tawh chu, CS a awm dawn loh avangin NGOCC inrawnkhawm chuan thulh rih mai turin an rel a ni.



Vawiin lama thu leh hla:
Mizoram chhunga tlawmngai pawl hrang hrang intelkhawm NGO Co-Ordination Committee chuan Sawrkar laipuiah Mizo IAS ngei Chief Secretary a dah tura an ngenna chu a hlawhtlin loh avang leh chhanna an hmuhloh avangin an duhlohzia an lantir dawn.

Joint NGO hian Mizo CS an lo phut tawh a, Mizoram CM pawhin Mizo CS ngei neih a duh thu ziakin thuneitu lam a lo hrilh tawh a ni.

Joint NGO hian naktuk atangin Chief Secretary Dr Renu Sharma office kal tur an dang dawn tih vawiina press conf ah an sawi.

Joint NGO ah hian Mizoram NGO lian - Central YMA, MUP, MHIP, MZP, MSU te telna a ni.

Joint NGO hian, Chief secretary-a Mizo ngei an awm theih nan vice president, prime minister, Mizoram governor, union home ministry, ministry of home affairs te hnenah ngenna tum engemaw zah an thehluh tawh thu an sawi a, chung an ngenna te chuan ngaih pawimawh a hlawh lo niin an sawi.

"Chief secretary ni mek hi a mimal taka dona NGO Co-ordination committee chuan a nei lo," tiin, "Mizo IAS an awm reng lai leh sorkar leh mipui aw ngaithla duh lova sorkar laipui hmalakna hi zawm har kan ti a ni," an ti.

Renu Sharma hi Delhi sawrkar a additional CS (urban development) a nih lai a Mizoram CS tura dah niin, 2012 khan Mizoramah commissioner & secretary GAD, Finance in a lo awm tawh a, principal secretary Home leh DP&AR a lo ni tawh bawk.

Post i hmuh dan

Post a Comment

0 Comments