Aizawl | May 21, 2022: Mizo film thar 'Ka U Liana' chu hun rei tak buatsaih a nih hnuah peih fel a ni tawh a, May 28 khian tlangzarh tura ruahman a ni.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
Esther Lalnunmawii leh Vanlalhmangaiha te channa film hi a hmuhnawm viau tura ngaih a ni!
"He Film hi unau thawnthu niin Mawlmang tak leh Mizo Society leh rilrem theih dan tur ber-a buatsaih a ni a, Mahse chutih rualin Script/story kan buatsaih tawh a zawnga harsa leh hautak ber ala ni thung!" tiin director/script writer Mike chuan instagram-ah post a lo siam tawh a ni.
'Ka u Liana' film ah hian Mizo zaithiam lar Thawhlehnaniropuia a inlan a, 'Sisi siraha mi hnawl hma hian' tia hriat lar Vanlalhmangaiha kan hmu dawn a. Anni pahnih bakah hian Anchor hriat hlawh chho mek leh Presbyterian Choir Lunglei member Esther Lalnunmawii, Miss Chapchar Kut leh Miss Mizoram aṭanga hriat hlawh Abigail Lawmsangzuali, Duhaisam film changtunu Ruthi Chenkual, Host & Anchor zei leh hmelṭha Laltei Fanai te bakah ṭhalaite hriat hlawh mi tam tak an inlan dawn a ni.
'Ka U Liana' thawnthu hi Aaron Malsawmdawngzuala ziah a ni a, Director hi Mike Lalsangzela niin, Aruata Fanai chu Assistant director a ni a, Camera hi Ruattea, Jacob Lalfakzuala leh Mike in an khawih a, script pawh hi mike ziah a ni nghe nghe!
'Ka u Liana' OST hi Zaii Hauchhum in a sa a, Youtube a dah a ni tawh a ni.
He film hi RUNMAWI.COM ah dah a ni dawn a, an apps kaltlang pawhin en theih a ni dawn bawk a ni. 'Ka U Liana' hi Zote Entertainment leh Runmawi in an tihchhuah a ni dawn a ni.
'Ka U Liana' filma i hmuh hmaih hauh loh tur chu an t shirt hak hi a ni a, heng an t shirt hakte hi TT Arts (Traditional Twist Arts) kutchhuak a ni a. Anni hi Zarkawt, Aizawl-ah dawr neiin, an inbun a. Mizoram district hrang hrangah thawhpui neiin an inzar pharh mek a ni.
Post a Comment
He post chungchanga i ngaihdan lo sawi ve rawh: