Aizawl | May 21, 2022: University Grants Commission (UGC) chuan May 19 khan thuchhuah siamin, Central University Entrance Test (CUET) buatsaih turah Northeast a central univ 8 leh Uttarakhand a pakhat chu kumin atan kalpui rih lo tura hriatthiam an ni.
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
UGC chuan heng central university 9 hnuaia inziak lut college a luh tum zirlaite chu CUET paltlang ngai lo turin a rawn hriattir a ni.
UGC hian Affiliated college ho chu CUET paltlang ngai lo turin a ti a, Mizoram-ah chuan Mizoram University hnuaia inziak lut (affiliated) college zawng zawnga luh tum ten CUET an paltlang a ngai dawn lova, mahse, Pachhunga University College(PUC) erawh a ngai angin a kal dawn.
MZU lama thuneitute hnen aṭangin EXPLOREMIZORAM.COM in thu a dawnna chuan, "PUC hi chu Constituent College a nia, Mizorama affiliated college dang zawngah hi chuan hman rih loh tura tih sa a ni," a ti.
Central university ngaihnathiamna pekte hi Northeast aṭangin 8 leh Uttarakhand aṭangin 1 an ni a; Mizoram University, Sikkim University, Rajiv Gandhi University (Arunachal Pradesh), Manipur University, Assam University, Nagaland University, Tripura University, North Eastern Hill University (NEHU), leh Hemvati Nandan Bahuguna Garhwal University (Uttarakhand) te an ni.
Post a Comment
He post chungchanga i ngaihdan lo sawi ve rawh: