Aizawl | April 7, 2022: Plan India buatsaihin 'The Birds and Bees Talks' project chuan vawiin khan Synod Conference Centre, Aizawl-ah World Health Day an hmang.
He hunah hian School Education department secretary Dr Lalzirmawia Chhangte chuan, The Birds and Bees Talk hi tunah northeast state paruk kalpui a nih tawh thu leh, nikum November 2 kgan Rekitt, Plan India leh School Education department chuan thawhhona an ziak tawh thu a sawi.
Dr Lalzirmawia Chhangte chuan, "He thawhdunna hian Mizoram a zirlai zawng zawng a huam dawn a, Naupangte physical health, Mental health, sexual reproductive health and rights ah te thlur bingin, naupang hrisel tak, thiamna chi hrang hrang leh finna kawnga puitlint tak leh nundan duhawm, mi puitling tak, hrisel tak an nih theih nan he project hian nasa takin hma a la dawn a ni," a ti bawk.
School education secretary chuan, "tunah hian Mizoram chhunga district pali - Aizawl, Champhai, Mamit leh Serchhip ah te zirtirtu 300 chuang training an pe tawh a, training pek tawhna sikul hi 163 a awm mek a ni." a ti bawk.
TBBT hian remchang hmasa berah Kolasib district ah training an pe dawn bawk a ni.
Miss Mizoram 2020 Zirsangpuii chuan "Kan ram dinhmun sawhnghet a, hma kan sawn zel theih nan, kum 10-19 inkar hi uluk tak zalen tak siin hmang ila, nang leh kei hian ram nuam tak kan siam thei tih hria ila, danglamna siam thei chu nangmah kha i ni." a ti a, zirlai kalkhawmte chu, "Nangmah inringtawk rawh." tiin a chah bawk.
He hunah hian Aizawl a sikul hrang hrang aṭangin tleirawl leh rawlthar ṭhahnem tak an tel a. ICFAI University Mizoram aṭangin Vice Chancellor, MZP aṭangin vice president Andrew F Lalramnghaka leh MSU aṭangin assistant general secretary Laldinsanga te'n thu an sawi a ni.
Photo:
Post a Comment
He post chungchanga i ngaihdan lo sawi ve rawh: