Ticker

10/recent/ticker-posts

FEATURE | Lunglei Government College Miss 2022 Joysie Lalrempuii

Lunglei Government College (LGC) Miss 2022 Joysie Lalrempuii i lo belchiang ang.


Joysie tia koh thin, LGC Miss 2022 Joysie Lalrempuii hi R Laldinpuii leh Lalramzauva te fanu niin, August 23, 2002 khan a piang a. Zobawk N a cheng leh khawsa niin, Baptist Church of Mizoram kohhrana lawi an ni.


Joysie  te unau hi pathum niin, hmeichhia vek an ni a, ani hi a naupang ber a ni a, ft 5'3 a sang a ni.

Zirna lamah chuan Joysie hian kum 2017 khan Govt Zobawk High School atangin pawl 10 a zova, 2019 khan Zobawk Higher Secondary School atangin pawl 12 zo lehin, tunah hian Lunglei Government College-ah BA (Political Science) 6th semester a zir mek a ni.


A DUHZAWNG LEH NGAINAT ZAWNG HRANG HRANG TE:
Lehkhabu: the Alchemist - paulo Coelho.
Actor - Hero Fiennes tiffin
Chawhmeh: Alu.
Hla: how great thou art (Carrie Underwood).
Hmun: Hmun theng thaw nuam leh hahdam thlak.
Rawng: black and white.
Ziak tu: Joyce Meyer.

Mize ngai nat zawng: Belhchian dawl.

Mize ngainat loh zawng: Chapo.

Kawppui tur a duh zawng: Mi puitling leh rintlak.

Relationship status: single.


Lunglei Government College Lady 2022 thlanna a tel chhan:
- A tir ah kha chuan tel tum na ka nei lo a, mahse, kan department ten min duhsakna vangin department ai awh tur in min thlang chhuak ve a ka tel ta ni.

Lunglei Government College Lady 2022 nih hi i in ring reng em:
- ring lo

Lunglei Government College Lady 2022 in i nun nghawng a neih:
- Mahni inrintawkna tam tak min pe a, chuan, ka nun a vawn phah em em bawk.

Modelling lam hi i tui reng em: tui em em lo!


1. A tello a awm theihloh: Phone

2. I nun kaihruaitu: Bible.

3. Hringnuna i hlauh ber: hmangaih te chan.

4. I tih ngai miah loh tur: ruihtheih thil.

5. Mizo Tualzal nuna ṭha i tih: thenawm khaw veng kan in ngaihsak tawn a kan in tanpui tawn na te, rethei te leh tanpui ngai te social media a vehbur khawn a kan in tanpui tawn thin te hi.


6.  Quote i duh ber: chawimawi la a nin a chawisang ang che.

7. Mizoram leh Mizo tualzal nuna Mizo hmeichhiate dinhmun:
- Hmeichhia te dinhmun hi chu a then ah hian sang in tha tawh viau mahse hniamna chen tam Tak a la awm in ka hria  chhan chu inchhung  khur ah vuak te , kutthlak  te hi a tam a report pawh awm tho mahse report ngam siloh hlauhawm si  tiang hriatloh hi crime tam tak pawh awm thei avangin.


8. Hnam hmingṭhat leh hmingchhiat kawngah Hmeichhiate'n mawhphurhna:
khawi hmun ah pawh awm ila zahawm tak leh taima takin thawk ila kan ti hming tha vek thei loh nihpawn hnam hmelhmang ti chhe lo zawng a kan nun kan hman hi kan mawhphurhna niin ka hria.

9. Hnam ziarang chawinun kawnga Hmeichhiate mawhphurna:
- Chhiatni thatni a ni emaw , function kan neih ni khua ah emaw, biak in ah Ani emaw hmeichhia in a zahawm tak a puan a bih hian kan hman zia rang a chawisang a, thangthar lo awm leh zel tur te ah pawh kan chhawm nun zel hi mizo hmeichhia te mawhphurhna ah ka ngai.

10. Mizote tan 'Fa neih tlem' inzirtir hi a ṭulin i hria em?
- Mizo te hi hnam tlem te kan la nih  vangin fa neih tlem inzirtir hi a ngaiin ka la hre lo.

11. Mizo hnam ṭhanmawh bawk nia i hriat?
- Politics in min hruai sual a, nihna aia sang a lan kan tumna te, thil diklo tih  kan hriat reng pawh kan en liam a hei hian corruption nasa takin a thlen a, ram in hma a sawn thei lo a ni. Chu bakah thalaite ruihhlo a tlan an tam lutuk vang te hian Mizo te hi kan ṭhang thei lo a ni.

12. Mizo hnam damna atana  kawng awm nia i hriatte?
- Ruihhlo leh corruption laka fihlim hi kan hnam dam na tur a tan a thil pawimawh ni a ka hriat a ni.

13. Zirna, Khawtlang leh Kohhran hi?
- Kei chuan a kal kawp theiin ka hria engah pawh lo in hmang ila kan zir na tibuai lo tur a kan theih tawp ka  chhuah hi kan tih mak mawh a ni.

14. Khawtlang, Kohhran leh nangmah:
- Zirlai leh chhungkaw tibuai lo a khawtlang leh kohhran a theih ang tawk a in hman hi a pathian thu  hle in ka hria.

15. Social Media leh Nangmah:
- Social media hi ka khawih lutuk lo a achang a thian te kawm nan te leh information hriat Nan te a ka hmang tlangpui .

176. Mizoram ṭhalai tam tak tlakchham:
- Nu leh pa te thlazar hnuai ah awm kan tam a mahni ke a din tum na kan nei tlem em em a, a bul ber chu nu leh pa te a kan innghat lutuk hi niin ka hria.

17. Mizo ṭhalaite hian ngaihsan tur dik an ngaisangin i hria em?
- hei hi chu ka hre thiam chiah lo ngaihsan zawng a in ang lo a tu pawh ngaisang ila keimah ni a  a tha lam zawng a min motivate tu leh min inspire tu anih chuan a tha vek in ka hria.

18. Ngaihsan tur dik nia i hriat: 
- Mahni kut ke a ding thei leh harsatna a lo thlen pawh a in hai chhuak thei.

19. Hlawhtlinna tura pawimawh:
- Tumruh, thawhrim, beidawng lo.

20. Hloh i hlauh ber: Hmangaih te chan.

21. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
- chhan thiam ahar khawp mai a thlen theih na tur chu kan Ram hruaitu ten UN declaration ang a independence kan hmuh a insuih khawm na,inpumkhat na tha deuhin Burma, Tripura te, ram hrang hrang a awm te kan ram hruaitute thinlung taka dan hmang si a an inhawn khan a thleng thei anga, mahse, tun dinhmun ah chuan inthliar hranna ala tam avang hian inpumkhatna thleng thei tur chuan hun ala duh deuh mai thei.


23. Hnam dang nupui pasal neih hi: 
mi an in hmangaih a an in pawm thiam chuan a tha reng ka tia mahse sakhua na hloh khawp a nupui pasal in neih hi chu tha lem lo in ka hria.

24. Nupui pasal neih hmaa mipat hmeichhiatna hman hi: 
- Pathian duh loh zawng a ni a mi tam tak experience atangin kristian kan nihna angin Bible min zirtir dan a ni lova, amaherawh chu, tihsual palh te duh vang reng nilo a tawhsual kan tawh palh te pawh a awm thei a Kha chu kan sawi theih a awm lo a, a tha berah chuan thianghlim taka nupui pasal neih tluk hi chu awm lo ka ti.

EXPLOREMIZORAM.COM i hmuh dan:
EXPLOREMIZORAM.COM hi mi dang te tan malsawmna leh an inphochhuah na hun tha tak siamsaktu in ni a, in kal leh zelna turah duhsakna sang ber ka hlan a che u.




Founder/Editor
Explore Mizoram


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]




(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments