Mizoram Open Taekwondo Championship a hmawr bawk; Aizawl Taekwondo Academy an chung nung

Aizawl | April 2, 2022: Mizoram Open Taekwondo Championship Vawi 16na chu April ni 1, 2022 khan zawh fel a ni a, Dr.Lalbiakmawia Ngente CEO & Principal Architech, LB Associates in a khar. A pumpuiah Aizawl Taekwondo Academy Electric Veng chuan chuan point 2780  hmuin Overall Team champion an ni a, Category hrang hrangah then 3(thum)ah Champion nomawi an chawi a, Kolasib District Amateur Taekwondo Association in Champion nomawi pakhat an chawi ve bawk.

Senior Team Champion - Kolasib District Amateur Taekwondo Association.

Championship inelna hniam ber kum 12 hnuailam, Sub-Junior category-ah Aizawl Taekwondo Academy Electric Veng chuan point 850 hmuin an Champion a. Point 490 hmutu Kolasib District Amateur Taekwondo Association chu Runners Up an ni.

Kum 14 hnuailam inelna Cadet Category-ah Aizawl Taekwondo Academy Electric Veng chungnung leh ber a, point 590 an hlawh chhuak a. An mahni hnaih bertu Armed Veng Taekwondo Academy  chuan point 460 hmuin Runners Up Nomawi an chawi.

Sub Junior, Cadet, Junior, Team Champion Aizawl Taekwondo Academy


Kum 17 hnuailam inelna Junior Category-ah Aizawl Taekwondo Academy Electric Veng bawk Champion in point 960 an hmu a. Lunglei District Amateur Taekwondo Association chu Runners Up niin point 540 an hmu bawk.
Inelna sang ber Senior category-ah chuan Kolasib District Amateur Taekwondo Association chuan point 550 hmuin an champion thung a, Point 510 neitu Taekwondo Academy of Best Friend Team chu Runners up nomawi an chawi thung,

MATA Season kharna Championship-ah hian mimal khel tha ber pahnih, Mipa leh hmeichhiar thlan chhuah a ni a, Team hrang hrang aiawhin Team Coach ten vote thlakin an thlang a, Lalrinngheti Sailo, Lunglei(Junior) leh Ezra Lalhlimawma, Armed Veng South (Cadet) te chu Best Fighter atana thlan an ni.
Khuallian Dr.Lalbiakmawia Ngente chuan infiammite chu zirna thahthlam lo turin a fuih a. MATA Olympic Vision team a tel pha ngei turin a fuihin thuawihna leh insumtheihna hi hlawhtlinna kawngka a ni tih hre reng turin a chah a. MATA tan sum thahnem tak a hlan nghal bawk.
Kharna inkhawm hi MATA President Dr.Rualkhuma Colney in kaihruai a, Championship report Pu C.Malsawmtluanga Technical Secretary in a pe a. Pu F.Laltanpuia, Secretary MATA in lawmthu sawina hun a hmang.

Overall Top 10 Team Ranking & Point
1 ATA Electric Veng 2780
2 Armed Veng South Taekwondo Club 1530
3 Taekwondo Academy of Best Friend 1340
4 Kolasib DATA 1090
5 Armed Veng Taekwondo Academy 880
6 Lunglei DATA 810
7 Sport Authority of India 460
8 Republic Vengthlang Taekwondo Club 430
9 Exodus School Taekwondo Club 350
10 Durtlang Taekwondo Club 310

Post a Comment

0 Comments