Ticker

10/recent/ticker-posts

Senior National Basketball Championships atan North East Champion Mizoram Basketball Senior team fehchhuak

Aizawl | April 2, 2022: Basketball Federation of India (BFI) buatsaih 71st Senior National Basketball Championships Men & Women –  chu April 03 – 10, 2022 hian Nehru Stadium, Chennai, Tamil Nadu-ah neih a ni dawn a. He tournament a tel tur hian Mizoram Basketball Association (MBBA) chuan North East Champion Mizoram Mipa team chu vawiin April 2, 2022 khan a tir chhuak.


Tournament Kalphung:
India ram pum hi zone panga(5) North Zone, South Zone, East Zone, West Zone leh North East Zone ah te then a ni. North East Champion Mizoram bakah Team 15 an in lan dawn a ni. 

Team 16 te hi Group A, B, C & D ah then niin Group khatah team pali(4) zel an awm a ni. Mizoram te hi Group C ah an awm a ni. Fixture leh khelh dan tur chu Team thlen kim hun Manager’s Meeting ah puan chhuah a ni ang.



Inpuahchahna:
North East Zone atanga kan inpuahchahna kha kan chhunzawm zel a, North East kan khelh zawh pawh khan Player mal te hian mahniin theihtawp chhuahin an bei chho nasa em em a, Hrileng vangin team anga tihtheih loh chang tam mahse player mal tin te an thawhrimna a fakawm em em a ni. Team anga practice a theih veleh Hawla Indoor Stadium, Republic Vengthlang ah neih chhoh char char a ni.

Mipa Team Head Coach KC Lalliantluanga chuan, “Mizoram basketball team atana kan players neih that ber ber te kan hruai leh dawn a ni a, a phurawmin kan chak tawh hle a ni. Kan theih china a tha leh sang berin kan inpuahchah avang hian Pathian malsawmna kan dawng ngeiin ka ring tlat a ni. Kan players ah te 100% fit lo deuh leh hrileng avanga buaina deuh kan neih avang hian Mizoram mipuite min tawngtaisakna kan mamawh nasa dawn em em a ni. Mizoram mipuite tawngtaipuina leh kan theihtawp chhuah chungin Mizoram tan mellung thar rawn neih ngei kan inbeisei tlat a ni.” tiin mipa team dinhmun a sawi.

Mipa Team Bihchianna:
Captain ah India Senior Team SABA Champion puitu leh Zarkawt BCA player pawimawh leh MSL MVP lo ni tawh Lalrina Renthlei a awm a, Vice Captain ah Tuikual South Basketball Club Captain F. Zodinthara a awm thung a ni. Zarkawt BCA atangin Matthew Sailo, Zonuna leh Faka te an awm a, Khatla TBL atangin Thazuala, Rinchhana leh Michaela te an awm bawk a. Tuikual South atangin R-a leh Dede-a te an awm a, Mission Veng Hotshots atangin Isle-a leh Afaka te an awm bawk a ni.

North East Zone Championship December, 2021 a neih zawh taka Mizoram aiawh te khan a fehchhuak leh vek a ni.


 
Coaching Staff lam:
Mipa team enkawltu  Head Coach-ah Mizorama kan neih that, tawnhriat lo nei tawh, mi tam tak lo chherchhuak tawh tu leh NIS chhuak KC Lalliantluanga a awm a, Asst. Coach ah Zarkawt BCA tum thum(3) champion pui tawhtu Lalruatfela a awm bawk a ni.



Lawmthu:
Tum danga an la tih ngailo leh an beisei phak ngai lohin tun tum chu kal lam leh haw lam hi thlawhtheihna (flight) in an kal dawna MBBA lam chu an lawm hle a ni.

Heng an kalna senso tumsak tu; Chief Minister Pu Zoramthanga, Dy. Chief Minister.Pu Tawnluia, Home minister Lalchamliana, Agriculture Minister C Lalrinsanga, RD Minister Lalruatkima, Social Welfarr minister Dr K Beichhua, Law minister TJ Lalnuntluanga, MYC Chairman Dr Vanlaltanpuia, MLA bakah.CR Enterprise (Pi Pari, Venglai), HD Enterprise (Pi Hmingi, Mission Veng), GIG Motors / Samsung 3:16, Ophel Car House, Dr Nunenga, Ebenezer Hospital, JJ Associates (Juliana, Mission Veng), Zonet Cable Pvt. Ltd., Excell Constituency (Steve, Mission veng) leh Babie Construction & Consultancy Services (Pi Rengpuii, Upper Khatla) te chungah lawmthu an sawi a.

Team Jersey sponsor-tu Tluangpuii Hmar Design & Rental Studio, Chanmari, Aizawl leh Off Shirt siamsaktu Willow Enterprise (Lalruatpuia, Ramhlun North) te chungah lawmthu an sawi a.

Mizoram State Sports Council (MSSC) leh North East Zone Championship an khelh tuma sponsor tute zawng zawng chungah lawmthu an sawi bawk.

Mizoram Basketball Association (MBBA) chuan Mizoram aiawha zinchhuak turte tha taka an khelh theihnan leh hlawhtlinna an neih theih ngeina turin duhsakna a hlan a, Mizoram mipui ten lo hre reng tur leh tawngtaina lama dilpui turin an sawm.




Squad List
1. Lalrina Renthlei (C) - Tuikhuahtlang
2. F. Zodinthara (VC) - Tuikual South
3. Vanlalthazuala - Bungkawn
4. Zonunsanga - Ramthar
5. Zonunsanga - Tuikhuahtlang
6. Vanlalrinchhana - Zotlang
7. Lalnunpuia Renthlei - Bungkawn
8. Dennis Lalmuanpuia - Dawrpui Vengthar
9. K. Lalfakzuala - Mission Veng
10. R. Lalfakawma - Leitan Veng, Durtlang
11. Michael Liansanga - Serchhip
12. Matthew Remtluanga Sailo - Zarkawt

Coaching Staff:
Manager - K. Zorammuana – Kolasib/Bawngkawn
Coach - KC Lalliantluanga – Armed Veng South
Asst. Coach - Lalruatfela – Dawrpui

Group A:
Punjab, Gujarat, Kerala, Telangana.

Group B:
Uttar Pradesh, Karnataka, Rajashthan, Services.

Group C:
Tamil Nadu, Uttarakhand, Delhi, Mizoram.

Group D:
Madhya Pradesh, Haryana, West Bengal, Indian Railways.
Post i hmuh dan

Post a Comment

0 Comments