FIH Women's Jr. World Cup-ah India semi final lut; Didiki'n goal a khung leh!

Aizawl | April 8, 2022: FIH Hockey Women's Junior World Cup-ah India chuan South Korea 3-0 a hnehin semifinal an lut.

Vawiin inkhelah hian India tan Lalrindiki, Mumtaz Khan leh Sangita Kumari ten goal khat theuh an khung.

Mizo player Lalremsiami leh Marina Lalramnghaki ten inkhel bul an tan a, an khel chhe lo. Didiki'n a hun remchang neihah a hlah lo.

FIH Women's Junior World Cup 2021, South Africa a April 1, 2022 aṭanga khelhah hian India Jr. Hockey Women Team-ah Lalremsiami, Marina Lalramnghaki leh Lalrindiki an tel a ni.

India hian semi final-ah chuan Netherlands leh a thlengtu South Africa inkhela chak zawk an hmachawn leh ang.

EXPLOREMIZORAM.COM zawhna, "Khel ṭha i inti em?" tih chu chhangin Didiki chuan, "Aw khel ṭha inti e. keimahni atang a ball a sual loh chuan khel tha a ni mai. Bakah, mahni in tih tur job theuh kan nei a chumi kan tih chuan kan khel tha a ni mai eng pawn lo ti goal in top scorer pawh ni ila ka tih tur stricker in a ka job ka tih loh chuan khel tha kan in ti ngai lo." a ti a.

Semi Final in khelh tur hi i huphurh em? tih zawhna chu, "Semi final kan tum tur te hi vawiin ah an match kan en a kan huphurh hran lo." a ti a, "Mahse, team tha leh number 1 ni lai an nia a easy lo, 'do or die' a ni mai semi final chu" tiin Didiki chuan EXPLOREMIZORAM.COM zawhna a chhang.

Semi final match ah first chan a inrin leh inrin loh zawhna chu, "First leh first loh hi hockey ah chuan a inthlau tehchiam lo, Kan khelh zat minute a in ang vek. Ni tin kan inkhelh chhawk. Tunah mai chuan luh leh luh loh tur ka hre bik lo. Kan sir hian a ngai reng a luh tir ngai lova." tiin EXPLOREMIZORAM.COM zawhna a chhang bawk.

With Inputs from: CHHANNA - The Answer

Ngaihven hlawh Didiki chanchin HETAH a awm.