Hockey Star thar Didiki i lo hmelhriat ve tawh em?



Aizawl | March 25, 2022: India aiawh a Junior Team lama vawi tam Hockey lo khel tawh, Hnahthial khua nula, LALRINDIKI hi i lo hmelhriat tawh em?


Lalrindiki (Didiki) hian Sports Authority Of India (SAI) Hockey Centre, Thenzawl ah kum 2010 December khan amah Kum 10 mi lek niin, Coach- te Miss Lalrampari leh Miss Btei kaihhruaina hnuaiah a inzir tan a. Talent tha tak nei niin, kum 2016 khan National Hockey Academy, Delhi, ah sawmna hmu in a insawn leh a ni.


Hemi hnu atang hi chuan Indian Women's Hockey Team (Junior) ah in hlang kaiin, India aiawh in Competition hrang hrang ah a tel chho tan a, tunah hian FIH Women's Junior World Cup 2021, South Africa a April 1, 2022 aṭanga khelh turah India Jr. Hockey Women Team-ah Lalremsiami, Marina Lalramnghaki te nen an tel leh a ni.

Tunhnai a tournament a tel tawh na te chu -
1. 6 Nation International Tournament (Under 23), July, 2018, Belgium.
2. 4 Nation International Tournament (Jr Women), June, 2019, Dublin, Ireland.
3. Test Match Series, June, 2019, Belarus.
4. 3 Nation International Tournament, December, 2019, Canberra, Australia.
5. Test Series, January, 2021, Chile.



Lalrindiki hi tunge?
India aiawh a India Hockey Junior Women team tel tur Mizo nula Lalrindiki hi Rosiami leh Lalrinawma te fanu neih chhun niin 2000 March  25 khan Hnahthial khua-ah a lo piang a. Unau panga zinga naupang ber a ni a, Nuta pali a nei. 


Hnahthial khua-ah Govt Primary School leh Middle School a kal hnuin 2010 khan Thenzawl-a SAI Hockey Hostel-ah a awm a, hetah hian pawl 7 atangin a zir tha leh a. Tunah hian Govt Aizawl College-ah B.A (Education) 2nd semester a zir mek a ni.
Hockey India/FIH hnuaiah hian Kum 2016 atang khan awmin, National Hockey Academy Delhi-ah training a hmachhawn tan a ni.



Lalrindiki hi kum 2018 khan Belgium ah India aiawh tura thlan lo ni tawhin, July 14 - July 21 chhung khan India aiawhin a lo khel tawh bawk a ni. Cantor Fitzgerald U21 International 4-Nations Tournament hi Dublin, Ireland-ah lo khel tawhin, tunah hian hripui vanga tihtlai FIH Women's Junior World Cup 2021, South Africa a April 1, 2022 aṭanga khelh turah India Jr. Hockey Women Team-ah Lalremsiami, Marina Lalramnghaki te nen an tel leh a ni.





1 Comments

He post chungchanga i ngaihdan lo sawi ve rawh:

  1. Ka naupang hriat chian tak a ni a,inkhelh thiam tak, nungchang tha, hotute thuawih thei mi tak a ni.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post