Tui hleuh khawmpui lian ṭiak ta; Tlabung an chungnung ber!

• Teresa  Lalrinchhani a ropui!

Aizawl | April 8, 2022: Aquatics Association of Mizoram (AAM) buatsaih Mizoram pum tui hleuh intihsiakna lian - 1st Inter Village Council/Local Council Swimming Championship 2022 chu vawiin khan a ṭiak a, Tlabung VC team pakhatna niin an chungnung ber.

Champion Team - Tlabung

1st Inter Village Council/Local Council Swimming Championship-ah hian VC/LC 25 aṭangin tuihleuh mi 180 vel an fuankhawm a, a pumpui-ah Tlabung VC team pakhatna niin, Bungthuam VC pahnihna niin, Champhai Vengthlang N chu pathumna a ni!

1na Tlabung & Khuallian John Tanpuia

He intihsiak-ah hian Champhai Vengthlang N nula Teresa Larinchhani chu an veng hmingin amah chauh a tel a, heti chung hian intihsiakna pumpui-ah 3na a la thei thung a, Teressa Lalrinchhani a ropui!

Amah chauha a pumpuia 3na ni thei Teresa Lalrinchhani

Teressa Larinchhani hian 50m freestyle, 50m blackstroke leh 50m breaststroke-ah te gold a la a, 50m Butterfly ah bronze a la bawk a, heti hian gold 3 leh bronze 1 a la a, amah chauha tel chung hian a pum pui-ah pathumna  a ni!

1st Inter Village Council/Local Council Swimming Championship 2022 chu nimin leh vawiin khan Aquatics Complex, ITI Veng, Aizawl-ah neih a ni a. He hun hi Mizoram Sports Council secretary John Tanpuia, MCS chuan khuallian niin a hmanpui.

1na Tlabung, 2na Bungthuam leh 3na Champhai vengthlang N - Teresa Lalrinchhani

Khuallian John Ṭanpuia chuan, "Aquatic hi Mizoram hian kan la hmelhriat tam lo hle a, hmunhma leh hmanraw neih ṭhat tawk loh vangte pawh a ni ang a. Tunah hian AAM complex hi thuamṭhat tum a ni a, Practice pool nuai 40 sengin sak tum a ni." a ti a.

"Ṭhalaite tuihalna phuhru tur leh hmasawnna turin Aquatic sport pawh hi a kal zel a. Tui chen leh tui hleuh thiam hi chhiatrupna thilah pawh hian a pawimawh hlein ka hria a. Tui tlaa nunna chan thawm kan hre ṭhin a, ṭhalaite hian tui chen hi thiam se nunna chan an tlem phah ka ring a. Hetiangah hian AAM hruaitute hma la turin ka ngen nghal a ni." a ti bawk.

Khuallian John Ṭanpuia

Sports council secretary chuan, "District headquarters hrang hrangah Aquatic centre siam tum zel a ni," a ti a, "Lungleiah sports complex sak mek niin, Swimming pool siam tel tum a ni a. Tun aṭanga rei loteah Aquatic sportah hmasawnna kan hmuh thuai a beisei thu a sawi bawk.

1st Inter Village Council/Local Council Swimming Championship 2022 hi MSSC in sponsor-in Joseph Construction, Lalbiakliana Filling Station leh GIG Motors te co sponsor an ni.

2na Bungṭhuam

Result kimchang:

Mipa

1. 50m freestyle:

• Lalhlimpuia Punte - Tlabung

• Lalthapuia - Bungṭhuam

• K Lalfakawma -.Siaha

2. 50m Backstroke:

• Lalnunzira Pachuau - Bungṭhuam

• Jordan Zuisuampara - Luimawi

• Junior Lalrinsanga - Tlabung

3. 50m Breaststroke:

• C Lalchungnunga - Tlabung

• Lalnunzira Pachuau - Bungṭhuam

• Lalramdinthar - Luimawi

4. 50m Butterfly:

• K Lalfakawma - Siaha Vaihpi II

• Lalṭhapuia - Bungṭhuam

• Lalrinsanga - Sairang

5. 50m Freestyle:

• Lalawmpuia - Bungṭhuam

• Johny Hmingthantluanga - Bungzung

• Samuel Lalrammawia - Sairang

6. 100m Freestyle:

• K Lalfakawma - Siaha Vaihpi II

• Lalawmpuia - Bungṭhuam

• Lalrinsanga - Sairang

7. 4×50m Freestyle Relay:

• Bungṭhuam

• Tlabung

• Sairang

Hmeichhia

1. 50m freestyle:

• Teresa Lalrinchhani  - Champhai Vengthlang N

• Lalremtluangi - Sairang

• Teremi - Tlabung

2. 50m Backstroke:

• Teresa Lalrinchhani - Champhai Vengthlang N

• Lalremtluangi - Sairang

• Munni - Tlabung

3. 50m Breaststroke:

• Teresa Lalrinchhani - Champhai Vengthlang N

• Phoebe Rohluzuali - Zotlang

• Linda Lalruatkimi - Luimawi

4. 50m Butterfly:

• Munni - Tlabung

• Lalremfeli - Luimawi

• Teresa Lalrinchhani - Champhai Vengthlang N

5. 50m Freestyle:

•  Teremi - Tlabung

• Monica Lawmnasangzeli - Sairang

• Gabby Lalawmpuii - Republic veng