Traffic Sr.SP in mipui Thirsakawr (Cycle) hmanga veivakte him zawk nan ngenna siam


Aizawl | Feb 23, 2022: Pu Rodingliana Chawngthu, Sr. Superintendent of Police Traffic, Aizawl, Mizoram chuan Aizawl khawpui chhungah Thirsakawr (Cycle) hmanga tlan thahnem tak an awm tak avangin an himna tur atan ruahmanna siam tulin a hria a. A hnuaia tarlan ang hian Cyclist te hnenah ngenna siamin thurawn a pe a ni.


Kan hriat angin Aizawl khawpui chhungah Thirsakawr (Cycle) hmanga tlan thahnem tak an awm thin a. Aizawl khawpui chhunga kawngpui dungah hian Non-Motorised Transport (NMT) huanga awm, Thirsakawr (Cycle) kalna tur bik(Cycle Track) a awmloh avangin hetianga Cycle khalh thinte tan hian a himlo in lirthei dang tlan te nen intihpalh a hlauhawmin chetsualna pawi tak a thleng ang tih a hlauhawm hle a ni.

Chuvangin, chhiatna leh intihpalhna a thlen loh nan leh Cycle khalhtute leh kawngpui hmang tu midangte pawh kan him tlan zawk nan Aizawl khawpui chhunga Thirsakawr(Cycle) hmanga tlan thin ten heng a hnuaia hriattirna leh thurawn te hi zawm theuh turin a ngen.

1.        Zing dar 7:00 AM atanga Zan dar 7:00PM inkar chhung hian Thirsakawr(Cycle) hmanga kawngpui ah tlan loh ni se.

2.        Thirsakawr(Cycle) hmanga tlan thin te hian Safety Helmet khum thin ni se. 

3.        Lirthei dangte angin traffic rules leh traffic signage te ngaihpawimawh tur a ni. 

4.        Zebra crossing-ah din loh tur a ni a, footpath-ah Cycle dah loh tur a ni a, a hun loah hmaa lirthei tlan te overtake loh tur a ni. Tin, cycle khalh laiin mobile phone hman loh hram tur a ni. 

5.        Zan leh khaw hmuhchian theihlohna hmuna khalh te chuan thawmhnaw langsar/hmuh awlsam in bel hram hram tur a ni. 

6.        Nu leh pa te pawhin an fate Thirsakawr( Cycle) khalh leh zir mekte pawh uluk taka enpuia ngaihven turin kan inngen a ni.

Post a Comment

0 Comments